《新玄機》雜誌主頁   吳鈞洋師傅其他文章

                                                    文•吳鈞洋

 

兩儀清晰,四象分明

     

     見番你都冇咁驚,好彩月災唔多靈!或者架仔受起哂,太陽帝國最攞命! 

    總之恭喜你逃過「月圓之災」死唔去,哈哈哈! 

    一早預言亂飛話「超級月亮」將引發大災難。事實上也真係冇花冇假地發生咗wo! 乜話,問我發生響邊?你傻架,多此一問!啊!問原因啫……不過都係抵鬧,你明知超級月亮之萬有引力煞梗係專擇太陽帝國發射喇!架仔不嬲話自己係太陽子民,仲有佢哋枝國旗根本就係太陽旗!既然咁,啲煞氣唔揾佢仲揾邊個呀?!臺灣?係喎,枝青天白日旗已經一百周年囉噃!希望呢個月同明年五黃飛東南冇佢份啦! 

    唉!因為個「超級春月」最近搞出咁鬼多事,忽然間腦海閃過蘇東坡名作「水調頭歌」:明月幾時有把酒問青天不知天上宮今夕是何年……有悲歡離合月有陰晴圓缺此事古難全但願人長久千里共嬋娟…… 

    思潮起伏之間又驟然湧現出粵語片「一江春水向東流」裡面嘅片斷……諗番起八年抗戰嘅悲慘紀實……再睇返今趟日本大地震和輻射災難,前事今事同樣係「一江春水向東流」但前後相差咗七十個寒暑。有話架仔今昀咁淒慘、死咁鬼多人,理應值得同情……。亦有人話呢啲係報應,既然架仔在戰後七十年仍死不悔改、甚至歪曲歴史,所以就算日本陸沉也不值得同情……。問我意見?認真考起而唔識答! 

    我忽發奇想:「記得死鬼超人以前有齣戲叫(時光倒流七十年),若然運轉乾坤真箇將時光倒流番去上世紀四十年代,當時嘅亞洲人最有資格去評論架仔今日嘅災難! 

    諗諗下,無厘頭又聯想起德國,事關上一次預測世界杯名次奇準之八爪魚Paul仔係德國藉、算係佢哋「國寶」,佢去見耶和華嗰陣咁啱係金融海嘯。今趟架仔有難,又輪到德國柏林嗰位萬千寵愛集一身嘅「超級國寶」北極熊,佢享盡人間温飽而再登極樂……。奇怪!點解今年乜叉預兆都走哂去德國呢? 

    記得今年年初嘛!啲禽流雞、禽流蛋……咪又係響德國首先發現!問原因可以歸咎於流年文昌化忌,文昌係雞別名、佢哋又被稱作「德禽」,唔怕生壞命最怕改錯名……啲衰嘢今年揾你德國應驗先、不過係順應天命而矣! 

    嗱!大家應該唔會善忘嗰隻德藉八爪魚在世界杯比賽周「賣國求榮」,咒到祖國棒唔到世界杯……佢之死怕者係諸事八卦之過,爪多多乜叉都沾手,所以爪到歐洲金融海嘯……故此佢嘅死冇乜人同情。唯獨佢響度嗰陣因為爪多而泛泛有份,死鬼咗之後成個歐洲恐怕有排唔得掂!

    但今趟呢隻寶貝熊歸西卻有如國殤咁大陣仗,聽聞肥婆總理也為之流鼻涕!咁鬼巴閉又有乜叉預視示呢?呢下就要歸咎於萬有引力效應囉!

    萬有……係咩嘢嚟架?話你知,即係「基本交互作用」!舉凡宇宙間有質有量嘅物體如果佢哋忽然之間發起姣上嚟要靠近地球的話,必然容易釀起災惹起禍!呢啲現象亦即係自然界嘅所謂:「四大交互作用」,萬有引力效應不過係其中之一,另外三種分別係:電磁交互作用弱交互作用強交互作用

    萬有引力係上述四大交互作用中最弱一環,即係太陽和地球之間存在嘅一種吸引力……講得淺白啲咪地心吸力囉!平時冇乜大影響嘅,唯獨加埋超級月亮效應,咁就非比尋常矣!

    我並非天文學家,更加唔係物理學家,當然唔識九大行星之間嘅交互作用,但我係玄學家……(你係?有乜資格呀!真正玄學家喺哂紅綠藍三色電視……)咁係九流術士好喇啩……咁好啦!就等我呢個九流術士透露多少玄機吧!哈哈! 

    熊字係能字騎住火「部」(四點水部首列入火部),至於普通常識則認為:四點水根本就係水部……咁搞法,四點水變成咗睇火又得、睇水又得……哈哈得咗! 

    點得咗?即係產生能量,用水用火都可以。另一方面,你認得個罷字嘛?亦係個能字上頭有個金鐘罩四仔罩住。 

    即係話,能量除咗地球水和火運作產生之外,宇宙間四種交互作用更起咗主導效能。如是者熊和罷字都代表着正能量。 

    總結而言,能量得以起平衡作用而被用在有建設性層面,必須地球水火平均,即係太陽(火)月亮(水)相互牽制,要求達至玄學所謂:「水火既濟」卦之均衡。至於外在因素,必須保持四種「交互作用」一致平衡,上下達致「地天泰」卦之有情。 

    不知係所謂月亮之萬有引力煞釀災,抑或架仔海底核試引發地震海嘯影響……總之發動「能」源下面之「水火」,上面嘅四象……都失去平均而亂哂大龍,斷估呢場大劫有排都末搞得掂! 

    再睇番個熊字,依家佢下面從此已冇可能達至「水火既濟」矣!取而代之係「水深火熱」。至於個罷字,也明顯四象不明、四季難分……如此上下都冇咗交互作用,隻寶貝熊之歸西、擺明係預兆「無能可用」、「基本無能」。 

    預測結果係:1).架仔能源事故繼續擴大,至終搞到整個世界處於水深火熱中。2).最慘係今次事故等同架仔再發動第三次世界大戰、未來人類肯定會受到後症影響出現細胞變異,乜症候?自己猜啦!3).嗱!「皇上無話兒」應景啦!普遍日本男性勢必性無能……咁搞法以後想買AV睇都難! 

    或者有口痕友發問:「你又點叉知呀?人家(紅綠藍)電視三個權威都未出聲!」,等佢哋點紅點綠又話藍……出招?蚊都瞓矣,叫佢哋早抖啦! (本篇完)

 

吳鈞洋網址:www.ngkwunyeung.com.hk

吳鈞洋電子郵箱:raymondnghk@yahoo.com.hk

 

WB01343_.gif      回首頁     WB01345_.gif (616 bytes)