金雞獨立、烏雞唔執書
專家推薦每天做一分鐘
「金雞獨立」，對高血壓、高血糖、頸腰椎病……有幫助，仲可以預防老年痴呆症……。
肥佬練咗已經有半年，依佢所講、話有效過氣功（都唔知有冇作大）。？既然講得咁鬼巴閉，點都要昅下係乜東東芫茜葱。有一日、偷得浮生半日閑，特登蛇半晝上佢報社辦公室睇下。
去到又咁啱條友和大爛財响戍練緊功……只見兩條友雙眼微閉，一隻腳踏地一隻腳翹起。「超！咁就叫做《金雞獨立》……係養生專家推薦之養生法？」睇佢動作簡單而枯燥，講真，我的而且確不以為然。呢個時候大爛財加把口：「佢嘅全功當然及不上太極氣功……」，老而不爛招積咁打斷佢說話：「使鬼覺得唔好意思擦佢鞋咩……呢味功夫擺明有效過氣功何止百倍！」，大爛財到底見過世面、所以吐出真言，佢接過對方說話：「你又不能將漁船充當成炮艇，講真，你金雞獨立勝在簡單罷了，如果真正強身健體、你點及得人家吐納功，一晚打九個……哈哈哈！」說話引得大家一片開心，老而不一聽呢尾嘢更加笑不可抑、但見他O着咀指住我說不出說話。我不經意地用手向他揮一揮着他收口，隨即細心實習它的動作……動作的關鍵係「眼睛要微微閉著」，我也閉著眼睛試練……結果不下十次數不過五下就跌咗落嚟，嘩！原來咁鬼難練架。聽佢哋講，如果站不了十秒鐘，表示平衡感退化到了六、七十歲的地步。多練習可以恢復平衡感。
呢個時候輪到老而不發言，佢話：「身體出現疾病，中醫理解為五臟六腑之間相互協調嘅關係出咗問題……身體開始失平衡矣！（金雞獨立）就可調節彼此之關係，好多人起初五秒都做唔到，但後來可以站上兩分鐘。」，大爛財接着說：「隨住企立嘅時間延長，頭重腳輕嘅虛空感覺冇哂，瞓得好咗，頭腦清醒咗……自不然記憶力亦明顯增強了。如果你能每日閉著眼做金雞獨立一
分鐘，咁老年痴呆今生便與你無緣了。」說話之間、老而不遞過一本「推廣小冊子」畀我，裏面講到：呢門功夫對於「足寒症」係治本的方法，也可以迅速增強人體嘅免疫力。尤其是從年輕、身體健康嘅時候就開始堅持每天做，將來患上中老年疾病的比率，也會比較低……。
睇倒金雞獨立幾個字，不期然將我思維帶到過咗嘅7月4日美國獨立日，嘿嘿！金雞……唔係、係烏雞至啱，哈哈！我向老而不笑道：「咦！7月4日……你嗰日咪由朝練功練到夜晚……慶祝囉，嘻嘻！」老而不聽完打咗個突問道：「點解呀？」答：「烏雞獨立普天同慶日吖嗎！」，佢不聽猶是可、一聽把鬼火：「普天同慶？唔整多幾個炸彈畀佢嘆已經奶念佢哋總統膚色有異了！」，我笑答道：「五行屬雨露癸水夏生六月，天氣尚炎燥、滴水落地易被蒸干，但五行強金劈木生水，喜時柱透出辛酉印星，格局形成傷官配印……上半月局面 形成東方人用智，西方人動武……對立壁壘分明、勢均力敵。唉！呢個月東西五黃對沖……晨早預測七月廿二日大暑前後一定有天災人禍……」，聽到呢戍，大爛財搭口：「啊！即係話挪威傻佬周街放炸殺人……大陸溫州高鐵相撞你一早測到？」。「好話喇，財哥！頭先講嗰啲，就係7月份風水擺設裡面所寫。」我笑答道：「睇過我過往嘅文章，知道我一再強調八運不利西，不利金屬鐵器並不是戲言……今年辛卯不同舊年庚寅，後者係屠龍鋼刀劈木，你聽過去年交通有乜冬瓜豆腐發生過冇？而今年卻係刀仔鋸大樹而砍崩刀，係鐵都唔掂、特別高空之鐵……咁，財哥，你話係咪高鐵有難吖！」。
呢個時候，閉咗半日氣嘅老而不再忍唔得住而開腔：「如果你饒有冒險精神，覺得沒有新玩意。又或者你感到人生已無樂趣，很想快樂死……咁，我介紹呢啲些人上大陸乘搭高鐵，保證令你玩得開心，死得剌激！
等同香港換幾多個特首，有啫啫冇啫啫嘅……一樣廢，革換一萬個鐵路部長，一樣冇叉用，因為佢個機構本身叫鐵，係災難根源……」我聽後不禁點頭稱是：「浙江《江》蘇交匯，高鐵意外，狗官草率埋車卡入沼《澤》，《民》命如草芥，六月飛霜，人神共忿！」我閉目嘆息：「江澤民名義上係太上皇，查實係當今鄧小平化身，你胡溫不過係傀儡罷！記得當年老毛死前發生過唐山地震，今年老江死前……高鐵意外死傷有限已經還得神落。之不過全國俱有冰雹之災兆，京畿更加暴雨成災，7月鮮見。始終明年壬辰係江龍入墓大凶兆，加埋世界未日言論……真箇令人簾捲西風人比黃花瘦。」
鄧老爺子高瞻遠矚，一早預測香港會五十年不變！唯獨……向北望，由佢既定政策一出之後變到阿媽都認唔出！係咁變……係咁變……哈哈！以不變應萬變。你估將來會唔會因不變而管治萬變呢？！ (本篇完)
