南水北調多天災，北水南來頻禍害！
唉！有往有來。
「雷蒙，最近睇過你嗰篇催文昌嘅嘢，想問下……Boy，你咪周圍走呀，乖啲嘛！唔好意思，個仔好煩……」羅拔係我內戚兼多年熟客（唔係，內戚即係老婆外家親戚……都話唔係內面戚住戚住痛囉！）……睇住佢結婚、生仔、移民……啊！佢咪就係半咕嚕個堂大佬囉！今次倆公婆帶埋個仔返嚟，靚仔花名叫星君，唔使介紹、你睇佢老竇家陣個忙樣……就知道冇改錯名。
呢個時候羅拔嫂見老公為個仔搞到周身論論盡盡、於是搭話埋尾：「佢想問你，催文昌收效大不大、會唔會文昌催不成而桃花卻一大堆？」話音剛落，我沉吟咗一下、心諗：「最尾嗰句九成係女人加上去，事關男人斷不會問啲對自己無益嘅事情……」於是乎咪咪咀答道：「難講矣！事關（文昌君）本身就係出生於四川北部梓潼嘅牛鬼蛇神……，後來話佢靈擎先至陞咗做神祇，更加取代咗其它地方科舉之神，成為中國各地統一掌管科舉、並保佑順利之獨一無二大神。傳統觀念中，古時讀書人都認為梓潼神係文昌星轉世、化身，所以統稱為文昌神、梓潼帝君。呵呵呵！阿嫂講得冇錯，不斷有儒者指文昌帝君即係牛鬼蛇神，連帶讀書人也被貶（牛鬼蛇神），淨係風水玄學，往往將文昌、桃花相提並論，好聽啲稱之（人緣）查實咪男歡女愛嗰味嘢，好聽咪扣人心弦、可歌可泣……唔好聽咪姣屍扽篤、淫邪賤格……！所以正統文人都不以為然，唔使講其他，就係老毛對讀書第一個恨之入骨，當年反右笠上文人頭頂嗰頂高帽就係牛鬼蛇神喇！哈哈！」
呢個時候羅拔發問：「我正想問嘅，就係呢啲喇，今年五行缺火、明年更加大水一發不可收拾，依家剛過處暑、文昌化忌沖起廉貞化忌……照你所講東南亞明年之災難由現在肇始萌端，咁催文昌咪盞搞！？」，我聞言不禁帶笑點頭：「羅拔哥，難得你心水清！響文昌化忌年份搞任何文昌項目、肯定大打折扣，甚至得不償失，例如你想催文昌、佢偏偏為你催出桃花、仲係拖泥帶水嗰隻添！」
聽到呢戍羅拔嫂急急搭咀：「催乜鬼吖！咪借個仔讀書嚟擋箭喇……你屎忽有幾多條毛我又點會唔知？哼！」，羅拔顯得無奈，唯有指住個老婆笑笑口語我解窘：「你睇下啲女人幾啷嚟呀，哈哈哈！」，我也笑著回羅拔：「你梗係有痛腳畀阿嫂捉住喇……嘻嘻！」，羅拔嫂聞後嗔了個老公一眼：「做過乜佢自己知……講開又講，既然咁唔吉利，何解深圳偏偏揀正呢個月舉辦大連會？」，「阿嫂，咁都畀你諗倒！文昌化忌，大學生化忌，今趟全世界學生集中哂響深圳……好彩喺處暑（23/8）閉幕，睇嚟佢哋都有計過數，知道處暑過後陽暖已盡，一定有事發生，所以擇咗呢日閉幕。」
我笑着點頭對她稱讚：「開幕個月五黃飛東北，流年飛正東，至於開幕嗰日更加擇正五黃飛正南……又係勞動九五之尊南下主持以用煞。總算阿彌吉蒂，無驚無險到終點。唯獨深圳起碼衰到九運、即係仲有拾幾年衰……」羅拔不解而發問：「有乜理由衰咁耐呀？」，我故作神秘微笑不語，佢兩公婆正聽到入神而吊起癮，自然眼定定望實我。看在眼裹也覺得好笑，作狀呷咗口茶、施施然說道：「明知文昌化忌年份而開運動會，仲有係懶叻咁稱之（大運會）、以為神兆機動而藉此行好運，偏偏個天註定要懲罰你班貪官污吏，令你將蝕到仆街！」
羅拔聽後哈哈大笑，手指篤篤地發表偉論：「你話文昌化忌啫，我唔識用曲化科抵消化忌之不吉牙！若然畀我揸Fit，全場坎扮爛選派各省市學業成績入三甲學生做義工以驗文曲化科溝忌星……」，羅拔嫂瞄咗個老公一眼、冷笑說道：「福建大學！畀你揸Fit？睇怕全場女學生有難囉！」，羅拔笑笑口賴皮地回道：「咁睇得起我呀大人！」羅拔嫂冇理佢繼續說話：「總之勞民傷財係啦！仲有呀，一概報喜不報憂，若然有新品種傳染病發生、睇怕又似得沙士嗰陣咁有咁密實冚咁密實……你睇吖做雞嘅都畀佢搞到冇啖好食……咪講其他，淨係睇下呢個衰佬日日咁得閑就知乜事！」，聽到呢戍我不禁撲噗哧失笑，望下羅拔、佢個粉樣顯得怪，又似委屈、又似無奈、更加似隻被主人罵完嘅小狗……唔單只我笑，佢老婆講講下也笑起上嚟。
忽然間……我又打咗個冷顫，好似又觸倒機，去完尿尿之後諗到一啲「嘢」，深圳大運和剋仔強刻意到港大搞事……相關連？係唔係有意將文昌化忌誘發之一應天災人禍，天怒民怨……坎扮爛一鑊移往南方，匯集香港「反動分子」同埋境外「反華勢力」……等等，等佢哋動叉夠、亂叉夠……總之你咪亂過嚟北方就側側膊咋睇唔倒！ (本篇完)
