|
|
|
|
|
|
|
|
圖、文•趙敬賢
（子曦） 
2011年到了尾聲，全城忽然鬧烘烘的去抓『狼』。事源大陸劇集製作特區橫店，發生了一樁非禮事件。兩條大狼巧被狗仔捕穫，急不及待出來『澄清』滅火，卻前言不對後語。最後出來大搞『負荊請罪』老翻騷，超狼老祖宗陳君的『謝罪』騷後，康港忽然吹起陣陣風氣，連候任特首也來「未競選，先謝過！」呵呵~
陳超狼為保飯碗，謝罪騷上戳力演出，可謂超水準，聲淚俱下之餘，更「玩」到發軟蹄，幾乎倒地。醉玩兩小時面不改容的「超」人忽然不濟，在演繹上未免有點浮誇！看來實有繼續磨練之必要……另一大狼，則急急劃清界線，率先賠款置身事外。說起雙狼，我們的口痕大師當然有話要講，飯局上大師兩杯下肚，自然口沫橫飛，不吐不快……。
『這隻超狼，貌似精靈醒目，原來係「鱷魚頭，老襯底」，唉~ 吾不欲觀之矣! 奉子成婚唔夠半年，個B都未出世就犯官非，我估佢果個九成係仔黎……』 說著不知如何把話題拉到兩位準特首名字上去。(*事後據悉，超狼生的是女不是仔，大概不會叫嘉桓吧……證明大師畢竟是人，錯了! 呵~)
『兩個準 ‘突’首個名就夠過癮啦! ……』大師酒興大發，幸好不會變狼。朋友故意插科打諢，存心激將引爆，未等說完便道: 『兩個名都係好普通，我睇同大明、志偉無咩分別啫!』.
『咩普通啊，你舖話法丫，梗係唔同啦~~ 一個姓梁，係三錢木，叫振英; 一個姓唐，叫英年。我先唔理佢地咩生肖，兩個名都有「英」字就夠過癮啦……』口痕大聲反駁，顯然被激得發火，酒臉也 ‘亮’了起來。在坐眾人均想: 『都有個英字有咩出奇?』，大家都不以為然，但明知他「痕口」 一開便停不了，只好讓他說下去……。
『……佢兩個人同英國佬關係都好密切。嗱~ 你地唔明架喇，等我拆過你知啦!』說著把手上杯酒乾了。口痕一向不羈，信口胡吹朋友們早已見慣。為存原味，下文以白話來寫，不便之處，敬請原諒。此外，大家只當讀『冷』笑話好了，切忌認真。以免秋後算帳，慎之，慎之!
『梁振英依個叻仔，讀書成績又好，當年留學英國，人緣亦唔錯，成日唔聲唔聲就嚇你一驚。返香港發展，無幾年就成為仲量行合伙人，咁都唔你叻就有鬼囉。前幾年，佢想進軍國際，發大黎搞，用換股方式同英國一間大公司合併。呢份野心，更係唔講得笑！
合併之後，呢間「老母」公司係歐洲搏命買野，規模真係愈黎愈大，不過負債亦愈黎愈多。 到左08年人算不如天算，雷曼兄弟爆煲，金融海嘯接踵而至，「老母」公司買既公司都勁蝕，股價一直插水，一鑊炒起剩番條毛！最後仲要俾人賤佞價食埋添。梁腥就係咁變成左一隻負資『橙』。報導話佢一個崩都分唔到，份身家大縮水。好似佢個姓咁，剩番「三錢」咋，陰功……!』說到這裡，又乾了一口酒……
『大米國係海嘯之後，經濟大滑坡，首相馬輪仔改革又無鬼用，講野有牙無力。搵埋王子大婚都沖唔起。搞到示威、罷工一浪接一浪，仲暴動死人添！國衰樣樣都打倒「褪」，真係衰「毛」就可衰啦! 阿英間公司係呢度發跡，要振「英」就難過上天堂囉! 佢咁搏，如果做左突首，你話會點……!? 分分鐘同阿子曦講果個「白開大狀」梁大聲差唔多，玩到輸哂都唔止囉! 咁啱又係姓梁添……』大師雖則醉意盎然，卻意猶未足，拆完「梁」，再拆「唐」。
(*貓王不是英國人……大師又錯了! 且以上有關梁先生的財富資料，是大師”道聽途說”，當事人已多次堅決否認身家大縮水，日前更對某傳媒開火，指個多月來，有人企圖以他的生意及身家「炒作」，由此攻撃他的誠信及能力。「報導」了一個月便大興問罪之師，呵呵~~ 不愧廉殺守命!
呃~ 回心細想，要是阿梁腥當了突首，又像那個尚未退下的「前度」一樣，周之無日被『大抹小黑』，康港新聞還能有自由?! @ 。@”!)
『咁「唐唐」又點呢? 呢個名本來真係唔多老黎喇! 「英年早逝」喎，大吉利是咩! 哈哈~ 佢老豆都唔知係咪有心整蠱…!』口痕友得意忘形，胡言亂語。(*這是大師個人意見，並不代表一眾朋友立場… ^^”!)
『不過，人地依家成六十歲，一早過哂英年啦。仲好地地去選突首，就唔係咁講喇噃！「英年」係指 -- 「英」國佬統治既年代！所以話，佢兩個同英國佬都有好密切關係囉。啱唔啱先…!』不知各位讀者意下如何，在坐朋友個個側目!
世事變幻往往出人意表，消息傳來，被告貪污脫罪名的志雲大師忽然宣佈請辭。「志雲風波」終於落幕。大師昔日風光果然不再…！據聞即將出國遊學。兩位陳大師生日只差兩天，陳聰要「搬家」，陳總要「離家」，果真是無獨有偶！希望更多曾經失意的人，可以有望置家吧!
12月中，消息指大狼已經狠捐公益金五十萬，超狼亦『割肉』，賠款護苗。除了公開登報道歉，更要似大狼一樣，狠捐巨款予護苗基金，保護被性侵的兒童。斷估數額不會少於大狼吧! 這一「摸」竟值大拿拿百多萬元……。「珍」貴！呵呵~
閒話表過，回到大師的結論：『九七回歸到現在十幾年，咪好似學友隻歌咁話： “情已逝……” 英國佬既時代咪『一早逝左』喇咩？果年肥彭返祖家，扁哂咀咁，仲好戲過隻「超狼」啦！英國佬走左，就到「唐」人話事，「唐英年」個名仲唔係「應」到爆…? 』
呃… 插科打暈~~ 暈左! @ 0 @!(全文完)
