八九運，文明景象由此生
有個七運年代嘅舊學生嚟探望我。唉！師傅唔好命、徒弟走乾淨……（走咋……你先至死！）難得匿位花旗「竹升」仲有我心，時不時上門嚟問候。記得佢當年做我學生時，由於廣東話講得一舊舊時不時將老師二字發音成老鼠，所以書友們都暱稱他作老鼠公。雖然係咁但佢非常尊師重道，可能竹升特別崇拜國粹緣故（有別於假洋鬼子睇唔起同胞，好似嗰位持英國護照嘅才子……），老鼠公經常借頭借路擦我鞋、極執弟子之禮好想盡「孝道」而無半點造作。我同佢講過好多次：「你我之間關係不過老師與學生，並非師傅和徒弟……」佢亦回答過不下一次：「（老鼠，輸苦）一樣啫，跟得你學嘢就要（樽書撞盜）」。
今次見番佢，除咗人成熟了之外其他冇乜點變，難得係廣東話明顯講好咗，事關佢匿幾年都係響國內做嘢。
「老師，你最近在飛是book寫；夏天最驟忌五黃飛正南，皆因火燒忌星是也。唔好彩八運五黃經已坐緊响西南，流年五黃又咁乜橋飛東南…喎荷！巽離坤，天火同寅煞連震。痾拔甩，大交樂！喱十日八日開始肯定有大鑊飯發生……」老鼠公好認真咁對我講：「照老師所講，2003年嗰陣仲係七運，五黄星仍在七運零方正東，匿一年芒種五月五黃飛正南。疫症由匿個月擴大至全世界，但也接近尾聲。」我聽完之後略為思考，笑語老鼠公：「不枉我當年教導……嗱！你再試下評論2008年流年飛星？」，老鼠公聞言之後立刻數起手指：「運星五黄飛西南、年星五黄到正南，清明月令五黃到東南……巽離坤，啊！又係三方犯煞，嘩！老師，原來咁大鑊駕！，咁講法，（六四）當年已入七運，運五黃星飛正東，連貫89年年五黃東北，月星五黃東南，咪又係艮震巽，三方連煞釀禍？！」我嘆咗口氣答道：「最怕碰啱轉九宮大運清算殘餘……」，答：「不明！」，我笑語老鼠公：「咁易完全明咩！你依家做到小明……上廣州，行路嗰隻，已經相當叻喇！」話畢彼此相對而笑，老鼠公接續：「我都明明哋……即係運勢大清算，將過氣運趕盡殺絕，啱冇？」，我用肯語氣帶笑回道：「冇錯！係新運行過若莫十年之後……好似目前八運已經過咗八年有多，正係時候全面清算矣！要知道八運必中段九紫火進氣、戊土得以正氣，清洗七運最後殘餘－官商勾結地產貪污舞弊。未來日子香無良地產商有咁耐風流有咁耐折墮，貪曾不能倖免。08年美國房產泡沫已經浮現至冚無可冚，拖累整個金融界……」，老鼠公聽到匿戍忽然打叉：「老師，你唔係話過美國之沒落係因為打仗咩？」，「係吖！」我答道：「咁佢做政府嘅都要通過國會攞錢、國會又要和財政部溝通、財政部又要向金融界施壓並給甜頭……最後營造泡沫，將債項轉去外國，然後由一眾平民分擔。最典型咪雷曼苦主們囉！」講到匿戍大家相對無言而搖頭嘆息。冇奈，老鼠公開口先：「咁，一如老師所講；八運到中段九紫火進氣、戊土因温暖得以正氣，清洗七運最後殘餘－官商勾結地產貪污舞弊……唏！老師，我再節錄你一段說話：一個甲子前1952年，由於韓戰有勝利跡象，於是國內鬥霸鬥地主運動雷霆萬鈞地展開。歷史有話昔日黃巢殺人八百萬，當代老毛只有過之而無不及，毛鬼王稱號是由此起。歷史重演鬥地主運動……即係現在啲地產商、貪官……等等。舉凡一個歲運驗事，絕非簡簡單單而過……」，「冇錯，你講得啱！我聞得共產黨嘅細佬共青團團派人馬全面掌權，佢哋大多數和胡耀邦有關係，最明顯係3月14日，溫家寶發出（二次文革可能重演）之警言，第二日薄熙來即刻被解除重慶市委書記。3月29日，胡德平公開表示：對文革一定要持批判態度。根本否定文革，並公開力挺溫家寶。」，老鼠公聞言後激動地答話：「胡德平一再響官媒闢謠，係擺明公開肯定溫家寶繼承胡耀邦遺志嘅表態，亦係表達咗挺改革、挺溫之態度！」，我也忍不住有少許激動：「我永遠支持我哋總理！習近平同胡德平係世交，秉承父訓自然屬於改革派系人馬，咁溫習必然聯手反貪反腐。由北京向方香港做起，講唔埋攪攪下攪上廣州……」，「老師，咁咪旺膠膠，旺仔行路上廣州……哈哈！掌握證據然後向國內開刀。」，我笑着點頭：「今年壬辰、卦名叫（雷天大壯）。意思是事物不能老是退，所以在天山遯卦之後接著是大壯卦。大壯卦：吉利的蔔問。梁振英個振字係動用一切武力去犯太歲、響東南辰宮香港和廣東省翻天覆地，是（雷天大壯），意思係大大鑊攪舖勁。至於個英字係戴咗頂扑帽就要聽命於中央……哈哈哈！」
師生兩人「研究學術滲進國是」到匿戍，忽然電話響起，原來有預約客到，唯有講到匿度係咁先、電話聯絡下次再見面！ (本篇完)
