《新玄機》風水雜誌主頁
區晉豪師傅其他文章
文•區晉豪
交替時間
羊年話咁快已過左三份二時間，社會氣氛普遍大多數人的心情負面多過開心。正如筆者年初撰寫羊年運程，因木火年五行近尾聲，而金水年五行在明年才開始，感覺好似兩頭唔到岸。又今年乙木代表思想凌亂入墓庫，今年初環境氣氛良好，股票升樓市旺，市面無論飲食、零售各樣都暢旺，股票更突然間升至最高峰。人人銀包脹卜卜，有錢自然鬆手，商舖老板也笑口常開，有醒目人仕將賺錢轉而買樓長線投資，或吐現現金揸手。冇股票戶口人仕突然心醒去開戶口，希望賺些快錢。踏入夏天後股票不斷下跌至今，人民幣也下跌，有人在股票下跌時趁低去買，怎知下跌又再加碼，直至最近好多人已變左蟹貨。因人人唔見左好多金錢，零售飲食也頓變淡靜冷清清，貴租商舖頂唔往也要結業。其實國內同胞也同樣唔見好多錢，自然來香港消費購買力變弱，所以呢排好多朋友面色唔多靚及心情欠佳，平時傾說話多多自豪心態者，呢排衹見牙痛咁聲。最近又傳來加息聲音，有供樓者又恐怕要捱貴息，影響開支負擔大。正所謂有多餘錢自然笑騎騎，但金錢緊絀自然憂心忡仲。
羊年未土代表保守、念舊、踏實及正義，不可以太急亂，才能成功進展。要化解需要放鬆心情，用心去工作賺錢。若然在家𥚃或公司，可種些綠油油水種植物，可增強各人的思想運勢，但忌尖刺植物。或假日去郊外大自然綠化地方散步，室內多些淺綠色或柔和淺色擺設也有幫助。忌大量紅色系列，容易急躁亂。忌大量黑沉色系列，太沉悶冇生氣。平時多與身邊的人溝通及傾談。最忌唔出聲的人。開朗健談有助力，若喜歡跳舞、唱歌及運動者也有幫助，能將唔開心事物釋放出來，及加強血液循環，自然頭腦清醒。(本篇完)
區晉豪電子郵箱：auchunho827@yahoo.com.hk
回首頁
