《新玄機》風水雜誌主頁  區晉豪師傅其他文章

                                                                       文•區晉豪

買二手屋勿慳裝修費

 

    買屋首先銀碼及付擔能力成正比,曾有客人受地產代理游說,附近有些風水樓盤,令致他心郁郁,睇完後即拍板落訂成交,後來才發覺付首期及日後供款都有問題,最後問朋友借足首期去供樓,及後承受很大壓力,擔心冇野做又影響身體精神狀況,其實買樓最重要量力而為才適合。

    買樓首先選擇自己合適地區,再在該區或透過地產代理,找尋合適付擔銀碼與呎數面積樓盤。現在話網上睇樓,毋須日曬雨淋,但樓盤所刊登資料未必清楚及準確,恐影響日後費時失誤。

    買樓一定要依傳統方式,親力親為去現場睇樓,最好陽光普照晴朗天,即日間去睇樓,因為日間自己精神狀態飽滿,首先入屋要視察屋內每個區域空間環境,後再觀望屋外四週環境,而屋主能夠俾足夠時間參觀更好,還可以在廳停下來或坐下感受是否舒適。睇完若果合心水滿意,不宜即刻落訂金,後再揾日晚上約八時左右再上屋內視察,除屋內環境最重要係屋外四週環境,因為日間與晚上會有唔同視覺分野。曾經有位客人找我去堪察風水,我道出他們一家人晚上住得唔開心及精神情緒不穩,事緣間屋外遠處有行車天橋與間屋平排,晚上有車頭燈光照射入屋裡,令致這家人健康精神狀況欠佳,所以晚上去睇屋會有唔同觀感。

    若然買二手樓,唔好慳裝修費,應該全屋拆掉移除舊業主的裝修,自己買些合適傢俱及裝修間格,若然能夠迎合自己的品味自然住得開心,尤其是水、電及爐重新鋪設,免日後頭痛。倘若較新二手屋,廚及厠可以唔拆,但盡量測清楚水、電及爐狀況。其實風水學說棄舊迎新,舊的傢俬用品易招散 漫及戾氣,新的用品能有一種推動力量及積極心態,從而幫助安居樂業,及有風生水起作用。(本篇完)

 

區晉豪電子郵箱:auchunho827@yahoo.com.hk

 

WB01343_.gif      回首頁     WB01345_.gif (616 bytes)