|
|
|
|
|
|
|
|
「雞年」買龍 圖、文•卓宏
馬迷甲：大約在廿年前，你不是教人「雞年買雞」的嗎？怎地現今又……。
卓宏：「雞年買雞」不過是一種使人容易記憶的「順口溜」。當你「路不通行」之時，自然就識得另找蹊徑。例如找「觸類旁通」，找「半象」；何況，在雞年中，我提供的「龍」字，不是可以包羅殆盡的，還有其他的「字」都可以運用、通用……。
馬迷甲：雞被譽為「鳳」。（雞腳又稱鳳爪）買「馬名」有「鳳」字的，可否？
卓宏：當然可以！「雞年買雞」，由於馬名沒有「雞」字的，行不通。轉買「鳳」字的，亦無甚趣味；依稀記得，以前有一匹馬叫「神鳳」；現在有一匹馬叫「電子鳳凰」。畢竟不合長期投注的玩法；總之，出場的次數太少吧？（
附註：「電子鳳凰」我預定是雞年必買之馬。每次10元WP捧場。總之「逢出必買」。）
馬迷甲：咁即係要隨機應變啦……。
卓宏：咁又未必！例如我將「雞年」投資策略定下來，以「龍」字做核心。總之每次有馬出賽，見有「龍」字馬名的馬，見一隻，買一隻……。咁使（駛）乜隨機應變呢？
馬迷甲：咁咪要好多錢？
卓宏：我買P，10元一注。
馬迷甲：你有冇呃我㗎？
卓宏：呃你做乜吖？我講我自己真係咁樣去做。你可以完全袖手旁觀，淨係做「得失統計」。假設由「雞年」第一次賽馬計起。有「龍」的馬六匹，買P每10元，合計六十元。事後看中到「龍」字的馬得失如何？贏幾多？輸幾多？做足一年，然後你就會「心中有數」……。
呢啲就叫做「長期投注」。有「龍」字的馬，現役不少。「輪流」出賽的場合可以常遇，符合「返本」快速，時時有得玩的原則。假設你規定我玩「三T」，一膽拖幾隻，費用固然不少，最差是唔知幾時中。三年唔定，五年唔定，唔似而家時時有得中，有錢收……。好爽！
好好記着：雞年買「龍」！
馬迷甲：就係咁簡單？
卓宏：山不在高，水不在深。你在社會上可以見到一些叻人都是「言不在多」的，所謂「要言不煩」是也。
馬迷甲：咁，即係你話自己係高人啦……。
卓宏： （由於長期受社會譏笑為「九流」術士。又見有同業出版一本專挑剔同業的書，指責這個，叱駡那個，我當然名列其中。或者「心理反射」，不自覺地吐出）：都算係啩。（自卑的人是最驕傲的）
各位讀者：做「術數高人」，一定勝過做「九流術士」；地位提升，心情自覺「靚靚」。一於賽馬投注，娛樂自己可也。(本篇完)
(寫於二零一六年十一月十八日)
卓宏虛齡七十二歲（提醒自己）
（補記：「細路仔」唔好再做傻事，寫一本書嚟挑戰我？我買乜嘢馬「事先」寫在前面。雞年買龍，方法亦好清楚。你不妨用你全世界最好的術數嚟超逾我。但你叻係你嘅事，關我乜事？這是我卑微又驕傲的作風。）
