甲木妻乙妹予庚金
庚 丙 甲 乙（立秋）
寅 辰 申 未
不經不覺又到咗立秋，記得有首乜叉詩∶「秋深葉落秋景愁，風沙黃葉人消瘦……」寫盡秋殘葉落傷景傷情之心態。
唉！年年秋後多算帳，今秋不知會點樣，係咪真係咁灰相？
立秋八字全局金木相戰，彼此旗鼓相當勢均力敵。試睇下日元丙火金強用木生明確，木朋黨而勢眾也算得上架勢。唯獨當令之金勢如破竹而劈木。戰局形勢勝負之像已明顯……奇門之術有所謂甲木將乙妹妻予庚金，睇黎今勻可以用得上。
大像觀察國際形勢、仍然係東西對峙而東風壓住西風，只不過羊年秋後白虎得勢而呈覒「東風無力百花殘」，西方政治和經濟乘秋氣肅殺而直指亞太地區，突襲龍巢。甲乙木雖然同屬青龍族類、但乙木卻時不時發姣暗通白虎。作為青龍龍頭嘅甲木在危機關鍵而果斷將乙妹妻予庚金……現實上大陸政治上趁萬眾觸目日本投降70周年而將佢擺上檯，輿論上以抗衡西方咄咄進逼，經濟方面則因為乙木籐籮繫甲，乙庚相合自然深化東西之間矛盾。
股票市場甲木也沿用（毛澤東敵進我退戰略）保留資金而要錢不要貨，將狗屎垃圾（乙木）掙飽班鬼佬……等佢哋吔滯先至慢慢劏。哈哈哈！(本篇完)
