文•邵志榮 
文•邵志榮
祿馬貴人說丁亥
各位讀友，新年快樂，各業進步，身體健康，心想事成！
適逢於近日的人傑地靈的節目中聽聞有股票業者以「丁亥」年的天干地支來論股票評其高低，不論其啱或錯，聽吓亦不妨也。
今日我想同大家講的係丁亥的祿馬貴人。話說丁亥的立春時刻，六柱的干支，其驛馬星佔其五位，寅申巳亥齊全，而日柱己巳更是日坐刃格，與年柱為沖，沖則遠行之動，應有較大的變遷的共同性，會有搬屋換樓及遠行的同性現象，而月柱的壬寅，又見刑而又剋，其動在財官，其意代表在工作、行業、財政的變化，故有利於生意發展、事業的改革變動，再睇時局的地支巳未邀午火日祿，全局木火皆旺，故邀祿成功，大利工作事業的晉陞，加上年上丁火坐貴人祿馬，沖入日支巳火，真正是祿馬貴人，更兼富貴逼人的格局也，大利於有上進心、有拼搏精神、有事業心的人士。各位有心人請做好走馬上任的準備，隨時有機會執番個一官半職都有可能。講得咁開心，當然唔少得自己一份啦。我就準備好啦，你又如何呀？
但我知道有位仁兄就早早執定行裝，隨時打簿出糧，佢係邊位，當然就係我哋的當努曾啦！今年就名正言順地做自己的特首了，而並非替工啦。再做多幾年，到時又有長糧食，仲有G4跟尾，認真唔簡單啦。不過，話又說回來，打工仔即係打工仔！連口頭禪都差D。「我會做好呢份工」？嘩，做特首當打扮工？真係有D難為啦！既然難為，不如俾我試吓啦。我會話：「我一定會做好我的工作」。嘩，真開心！ (本篇完)
〔不才見識淺薄，各位高明請賜教。電郵：[email protected]〕
