文•趙敬賢
（子曦） 
文•趙敬賢
（子曦）
上期談到口痕友預測美國總統大選。都是道聽途說的趣聞， 當然不能作準。(雖然俾佢講中咗~~) 一波未完， 一波又起， 金融海嘯驚魂未定， 花旗國的花旗銀行， 又傳出不穩消息， 股價大跌九成。嚴重程度也直迫雷兄。奇怪的是， 在上月花旗銀行仍以高姿態收購執笠貨， 企圖成為第一大行。一月之間， 勢估唔到……。估計又成千億花幣才可挽救， 今期花旗國都有排頭痕。
白宮主人還未變色， 史無前例的燙手山芋一件接一件， 叫人聞之而變色。口痕友又發謬論： "真係大吉利士……花旗國的花旗銀行大吉， 咪即係銀包穿窿!?"
黑總統四年任期睇嚟都好難過囉。奧運跌棒， 果然真係一身潺……。
覆巢之下， 豈有完卵， 雷兄引發金融海嘯， 本地很多富豪及投資公司紛紛中招， 被"Kill you later" 所殺， 而且有殺無賠。或者他們也應該上上街， 要政府回購， 然後再告上法庭。輸完都要攞個彩啊!
其中一家大型投資公司， 損失以百億計， 俾老頂"咋哂刑"。於是又有口痕友話： "梗係啦， 佢公司間大廈流年五黃飛到三殺， 又見動土， 仲見埋炸彈添。八月五黃加臨， 仲唔死……" 當然又是馬後放炮， 發現炸彈的是十月， 唔係八月……。但有得御就御， 係大公司中生存之道。因此傳聞有人以為風水有問題， 要搵師父化之。
公司高層多方延請高人前來堪察和補救。廣發武林帖， 多位有頭有面的大師都報價競投。聽講其中一位出名口齒伶俐， 又經常跟大家見面的大師， 低價出招之餘， 更有折頭優惠， 低至半價以下， 好似志在必得咁。據知大師向來收入超高， 新年已近， 更應豬籠入水。此舉莫非其中也有玄機？口痕友最中意現捉機。聽了消息， 就細細聲話： "如果佢係自己都輸錢， 又點同人搵錢啊~~"
講起收費， 口痕友談及一個原銀奉還的故事。當年某風水大師， 接下一家公司茶禮， 進行催吉堪宅。弟子中忽然有人指， 這位公司老闆為富不仁， 心地唔多好。大師聽後一言不發， 竟然"原銀奉還"， 推辭不就。
所謂財到光棍手， 哪有如此傻瓜之理。老闆自然驚訝不巳， 不知是何原故， 仍想堅持聘用， 但大師去意已決， 老闆不果， 唯有付一筆小數以作車資。大師卻以老闆之名， 把錢損到慈善機構去。
說也玄奇， 老闆自此常覺心神不寧。似覺有事要發生。把主席一職交與屬下， 自己退居幕後主理。不久， 公司財務出現問題倒閉。新主席被拉上法庭， 並入罪坐牢。老闆卻避了一劫。口痕友指， 可能因為風水大師為他捐獻作福所致也……。
(本篇完)
