無心則功成有心則惡運
沾老學究嘅光、得以上廣州用實際行動支持亞運、聊盡華人之責以紓發愛國熱情。期間入住中國大酒店食好住好……悉數由老學究出公數……都話唔係出恭數囉！你問老學究係乜水？咪係老而不囉！以後若然有呢啲愛國着數嘢一定預埋你，嘻嘻嘻！
有一排都冇（行路）上廣州，今勻親歷其境發覺靚咗好多，起碼市容整潔乾淨咗，並且多了燈光、少了廢氣……仲有條以前出哂名臭嘅「豬江」也大為省鏡而水嘜嘜、和我銀包差不多可以一清而見底，得以洗脫「豬江」惡名，確認番係如假包換嘅珠江，哈哈！略為不便係保安過於大陣仗，也難怪，事關恐怖分子無孔不入，太猖獗矣！
嗰日晏晝閑來無事、就啱老學究也交完亞運「功課」，我哋倆個閃咗去酒店內之「星巴克」閑聊。「不經不覺到咗感恩節，冇耐又過聖誕矣！」老而……學究開腔嘆道，我搭腔冷笑：「感乜叉恩呀，呢個日子係紀念白皮豬恩將仇報、佔人地方清洗族群……定個日子嚟慶祝，唔知攞景抑或贈慶！」，老學究瞇着眼睛講反話：「你冇聽過達爾文適者生存不適者淘汰定律咩？烏卒卒就淘汰程式中嘅死剩種，嘿嘿！」，講到呢度，老學究笑問：「嗱！左又兇右又兇，五黃二黑叠艮宮……咁叉叻、又畀你撞中……」，我反駁：「喲！你舖話法吖，撞喎！少啲腦汁都唔掂呀！」，條友見我有的多扯火於是乎更加得戚：「你打日本牌我出朝鮮章……呢啲政治把戲我都有得出賣啦……」老學究尚末講完、我已經用手指指住佢打斷說話：「你死喇！老而不，你竟然夠沙膽說三道四誣篾國家外交政策……信唔信好似保外就醫嗰條友咁鎖你返去？」，「講起呢條moke咀、由原告變被告，全世界公認佢運滯，如果佢個名唔係叫趙連海、恐怕仲有排踎，邊有咁早放人吖！至於講到鎖我喎，悉聽尊便，橫掂明年太歲雞兔沖、文昌又化忌……唔單止文化界、傳播界……泛泛多災多難，就連菅文化嘅官員都好唔掂，係咁唔差在我囉，早啲入去報到好過遲、哈哈！」條友聞後笑住用手指指咗我一指道：「仲有，出年想話西方世界太平，德禽無咎雞鴨健康……難矣！」，佢嘅說話使我產生無限感觸：「2001年辛巳仍在兌金七運中，地屬酉金白虎之美國已經畀阿拉玩殘，明年辛卯八運、更加土厚埋鐵，美國佬真唔知點死！」，老學究呷咗啖咖啡接話：「啊！文昌咪債券、合約、甚至銀紙……囉，你估佢可以一世橫行用貨幣傷人咩，睇怕明年將有極大報應而折乜墮！」，「舉凡大運過咗十年左右、又或者轉運十年左右先前運正式完全抹去前運一切。咁啱2011入八運將近十載，今年庚寅、庚金衰到貼地而垂死掙扎」我接着道：「下半年、來歲兔氣已進，咁樣一嚟、寅木黨煞，你話庚辛金劈強木、若然不砍崩刀勢係假。」，老學究於是反問道：「你即係暗示明年春天歐美世界將有鑊杰撻撻嘢發生？」，我無奈地點點頭：「兔歲文昌酉金化忌、歐美唔掂係人都知。至於昌字更顯示出雙日化忌、日本衰硬亦係計算之內。既然砍崩刀西方有難，惟五黃飛東、東亞絕對唔好得去邊，再加上來年二五交加夾東南，哼！中國將繼續要面對楚歌四面，你都咪話唔驚心動魄！試睇下：越南、印度、菲律賓、日本、甚至東盟……等等中國周邊（四九仔）國度、將進一步接受美國唆擺，係咁對華製造事端而擴大矛盾，處處和中國作梗將小事化大……。至於北韓係咪好似你條現行反革命分子所講，發炮撩交打而去牽制美國，係咪冇後臺指使就真不得而知矣！」。
呢個時候有位靚女傍住個烏卒卒入嚟、並且向老學究點頭打招呼。轉過頭佢介紹道：「靚女姓陳、係當地記者，烏卒卒卻係沙地阿拉伯老編……人家佢唔使索已經大把油矣，哈哈！」，老學究繼續說話：「講開又講，響無線收費臺教阿婆睇通勝嗰條友、教人改名，竟然連筆畫都搞錯，哈哈！」，我笑着等老學究說下去：「佢話陳字係十二劃，蔡字係十五劃……笑叉死！」，我嘆咗口氣答道：「唔奇吖！我為佢執漏已經多到數唔哂矣！哎不學無術……」，老學究仲想接話，忽然部手機卻響起，原來有兩個「恐怖分子」國籍嘅運動員響廁所出咗事，要老學究即刻去採訪。
臨收筆之際，突然諗起個好有建設性問題，香港特區若然成功申辦亞運，其玄機、結果將是吉是凶？可以不加思索咁答你：「有心栽花花不放、無心插柳柳成蔭。亞運亞運、無心則功成有心則惡運，哈哈！」 (本篇完)
