弱木成林、陰風陣陣
下?? 吳師父之前唔係話明年2012年係大水年咩? 何解突然又變左木火通明???
以上文字係一位讀者留言，雖然屬於門外漢問題，但非常値得重視，事關好多讀者對五行……明顯六行（即外行）、以為年柱大鬼哂、一如靚仔認為自己老竇天下無敵！就係因為咁，每年琳琳總總嘅運程書都銷個滿堂紅。也難怪，自古以來，不論宮廷皇帝老兒抑或民間百姓，都係用年柱五行睇歲運、斷吉凶。唔敢話佢哋錯，凈係覺得唔夠全面而矣！
乙 乙 壬 壬（立春）
酉 未 寅 辰
上面列出明年八字作研究，大家睇到啲咩玄機呢！？
五行屬花卉弱木，春生喜陽光和雨露而忌利器，故五行喜（火、木），大忌（水、土、金）。但查全局缺火欠金、兼且水分亦不足，五行唯陰木獨旺，時支一點酉金瑟縮角落，陰功而孤獨。唉！格局似足流年形：壯木東方，花卉東南……既然黃五飛東南自然剌激起弱劣根性。
嗰日湊啱老而不上嚟、於是同佢研究起明天流年玄機……「2003年癸未五黃飛東南，明年壬辰亦係五黃到東南。上次貪狼化忌、禍起傳染病，今趟武曲化忌不能倖免刀光血影……整個世界都亂，唯獨東南亞最大鑊！」我先開腔打開話閘，老而不聞後微點酸蕎頭、再仔細端詳明年個八字：「吳老不……」條粉腸又開始扮嘢，真唔想睬鬼佢：「嗯！」，「你只講啱一半，酉金劈木壯自然砍崩刀、金明顯殘木必然亂。木亂梗剋水、火、土……」佢邊講邊戙起手指，學足溫總個款：「因循五行而論世情，明顯亂在木、木亂自然剋土洩水傷金鬱火……斗數府相會照殺破狼。星數五黃在東南、二黑飛正北，全局火水未濟，大象顯得極為偏枯，乙木青龍進退失據而呈亢龍有悔！」。出乎意料老而不佢分析精辟，直情士別三日，刮目相看。於是乎笑笑口讚道：「幾時變得咁醒……事關你不嬲都係豬頭炳……嘻嘻！」條友聞後非但不愠，仲哈哈笑道：「唔係凈得你吳老不威哂架……匿泛咪講先，你早排咪話過：生態失平衡，風風雨雨使人物慾心強烈而行事失機……唔單止投機，就係揸飛機、揸車司機……一樣意外多過做人仔……」我沉吟咗一刻說道：「無錯！事關明年旺水立冬前殺到，泰國水患洩天機，災難始自寒露起，昌曲化哂忌、災難在月尾……大雪天同水化忌，太陽化祿奪陰氣。水投辰墓絕龍氣，最怕昌曲忌，……嗱！阿不哥，整埋首歌仔畀你聽，安全過叫你上廣州遊深圳……攞命博，咭咭！」，「你死囉！」老而不故作緊張凶我：「你唔驚步（天與地）後塵咩？」。我聞言之後扮成個好驚青衰樣：「好乸驚呀！老而不……」，隨即正色道：「我咪批過汪洋明年柯倫炒粉嘅，冇運嘅人管治之地方一定雞犬不寧！」，老而點頭答話：「喂！天與地咪即係乾坤咩？」，講到匿度佢扮咗個好難學嘅鬼馬表情：「哈哈……禁制天與地等同不准乾坤運作，陰陽交歡……仆嘢亦包含在其中，早輪聽聞無線要腰斬該劇，好彩臨崖死馬，從善如流，否則必釀禍事。匿家上頭咁搞法……仲加埋遲下立例封殺廣東方言……若然廣東太平嘅話，我志願為汪洋君挽鞋！」，「好！」我由衷伇服老而不：「我想講番上面八字嗰舊酉金，擺明刀仔鋸大樹，此金破硬！唯獨酉金羊刃屬頑鐵，不易就範屈服妥恊，大氣候而言、歐美經濟斷不樂觀，明年世界大氣候的形勢是由：金木相戰，武曲化忌……主宰局面，相對來說，亞洲地區比起西方世界有進步，老外踏入兔年立秋後到龍歲立春開始，正是全新噩夢開始。點解？要知道看流年五行重視天干，上半年行天干而下半年走地支，嗰件嘅嘢係羊刃未入龍年兔歲秋後必沖卯木，明年然合辰土乘旺以劈木，秋木成長至老木本來不畏金剋；再得旺水通關更呈茂盛，相比之下金過銳利則易損折；猶其木旺崩刀。」
聽到匿處老而不合笑語：「又係2003年翻版，美國鬼如果安份守己猶是可，若然再逞強走入亞洲搞搞震……肯定遭天譴衰多鑊！」(本篇完)
