長春講氣勢，擎天考功夫
2014元旦伊始，誠祝各位讀者青春長駐，氣勢如虹！財源廣進，萬事勝意！
一年容易過，轉眼間又到冬至，我哋幾個老朋友例行的聚會也提早響呢個大過年嘅日子進行。今年計開有老而不，經紀陳，偉哥，Ａ、Ｂ君……等等列席，一番寒喧之後由我打開話題：「早幾日去香港揀樓……」，經紀陳失驚無神驟亂歌柄：「呢個時候入市認真勇噃！」，老而不隨即答話：「老陳你咁講法認真有問：題，詆譭香港經濟抹黑港人治港，罪同漢奸……」經紀陳聞後娓娓咀笑，我矋咗老而不一眼：「又嚟嘞，好似老陳同你有仇、次次都係咁。」老而不被我責完扮作傻笑，反而經紀陳笑笑擺擺手示意「冇相干」。
我於是接續話題：「租盤嗻，嗱！費事阻人發達，所以不說明地方，只係提示地區在港島……」我掃眼一擸，見幾條友冇異議於是繼續說下去：「建築群歷史悠久，屏風型排列，正中六七排坐寅向申，西南向方見水，唯獨八運上山下水局面，除咗被人誤導西南方見水發而on seven night入貨之外，斷估冇乜人有興趣入住。」偉哥好奇問道：「咁，左右翼如何？」我讚道：「都係偉哥叻！冇錯，最靚係右翼方四座、子山午向雙星到向，來水長去水短。登堂入室南風窗，排窗窗外見海潤財向，坐方有小窗作去水（來水大去水小）。正北山巒青葱行龍，仲有係西南見海……係咪靚局？」放眼望去但見個個酸蕎頭齊動稱是。我於是笑答：「是陷阱！可以話人靚臭狐勁，英俊多姿整……原來內局理氣敗筆敗盡，事關佢子山午向，開西北乾門52，走廊入房正東震門25。明年4入中宮，大門走廊打孖25，真唔得死！」大家聽後又議論紛紛卻議而難决。
這時老而不大聲疾呼道：「擴張向方拉長面積…」，肥佬話音未落我已拍檯叫絕：「好箇老而不！我在四幢子午向樓、咁多層當中只有一層係咁變格裝修，結果旣將正東變成東北79飛星，另外向方尖突向海，他他條條交媾仆嘢。」大家聽我說完都將讚嘆目光投向老而不，條死肥佬也全無謙虛客氣而照單全收。(本篇完)
