為香港為自己算下流年
記得十二年前馬年壬午，我命宮坐正烈日當空嘅太陽，巳垣武破武曲化忌，申宮機陰大運太陰忌。年內世界戰雲密佈，布殊先滅阿富汗再指伊拉克。我嗰年好彩天梁化祿在遷移…去美國住咗成個月，病了一身化險為夷。回來之後已經年尾，來年癸未移位天府，流年貪狼化忌衝起我大運太陰忌，而太陽同時搶盡太陰氣……。加上當年運勢七轉八，大陸政府貪腐釀七煞，本地凸首無能遭天責。結果非典禍世人人自危。至於我呢！由於身宮破軍化祿貪狼忌，有幸加盟《新玄機》而開創新天地。
又過咗十二年到甲午馬歲。記得一個甲子前，士改、三反五反……等等運動一下子蓆捲全中國女女互動效應影響之下香港社會和民生也發生了巨變。1954係最關鍵性一年，由於該年韓戰結束後了無後顧之憂，中共可以關門執行家法反貪清黨，所以呢一年最死得人多。哈哈！54年玄機唔死唔得之故，到了今年14自然一死了之矣！（講上頭政治咋）。大陸搞運動香港斷無不跟之可能，馬年甲午太陽化忌於年頭，羊年陰忌始年尾。雙忌正好夾天府，天府未垣衝艮庫，艮係黃毛小子……係咁一夾自然夾過了乙末年。
乙未在我紫微係天府座未垣，天相響亥宮，前者分別太陽午垣、機陰申宮\相夾、當中午宮太陽運科而申宮機陰祿科權忌鬥過七彩。後者天相天梁化權夾入。由此大象偵察到，國運和地方運一如我曾經刊登過文章（《盛世君皇習近平》）將由太陽進一步箝制天府，一切運作看中央。逢府看相，國家、地方政府官員全部必須照相照肺（審查考核翻舊帳）國內反貪運動擴大，香港秋後算帳正式展開。由於太陰化忌主深藏，所以翻查究底一定深化（香港近日網上佔中者和撐佔中者將人人自危，總之第日返大陸必遭留難。）之不過太陽由於夠光，任何深藏病毒也可以照出現形，減少傳染病擴散。
個人來說，流年仍然不利女人，更加容易得罪陰人。原因在於午宮太陽有如照妖鏡，響我面前嘅女人其心肝脾肺腎……照得一清二楚無所遁形（有娘娘娘邊個女人鍾意畀你透視內窺，不恨死你先至奇）也幸虧有咁透視功能，女人頑疾同樣無所遁形。嗱！針冇兩頭利，雖然同我深交淺往之一應姑娘婆娘……如何嬲我恨我都好，只要跟我往來哪怕傾下偈都有著數，事關好醜都可以起清底，透視到。
(本篇完)
