《新玄機》雜誌主頁   吳鈞洋師傅其他文章  吳鈞洋大師親算

                                                         圖、文•吳鈞洋  

太陽亮活她的「卵」

 

    認識土豪已經拾幾年,佢係廣府人但一早去咗北方發展,家陣身家大大話話有拾多億。我同佢彼此亦客亦友,交情建立於我嘅誠信,佢嘅正氣(咁多年來佢只有敷衍貪官而絕不勾結。對朋友有情有義,對父母孝順有加……識得佢嘅人莫不異口同聲話抵佢發達)。

    月初佢來港斟生意,順道請我食大餐:「大師,舊年聽你講太陰主藏、化忌則藏在深處……立春後我帶隻乸去照波波,真係發現一期乳腺癌,你好嘢!」我聞後有如驟雨中的陽光:光彩被夾雜的煙雨遮蔽,並無一絲自豪感反而深表同情卻百般無奈:「照出好過摩到,希望阿嫂早日康復。」土豪豁達一笑:「謝過大師!老婆單嘢已經告一段落,手術後醫生話康復機會極高……今趟我落香港來請教係關乎另外一件事。」

    土豪娓娓道出來因:「便你去年話齋,今年陽光照陰精,蛇蟲鼠蟻無所遁形……」聽到呢戍我想起土豪有三個老婆:「莫非三嫂……」答:「正是,自從前年跟咗我之後,屁都冇放過,檢查乜都正常架。」我望住佢含蓄笑道:「你命以水看子金看妻,時支申金金旺取長生,註定中年後得貴子、仲要係最尾或最細嗰位夫人出。」我繼續說下去:「唯獨你紫微太陽守午垣煞多,太陰天機申宮而天機化權。幾位夫人排卵偏陽機會不高……但今年卻不同,事關你家陣已運入水鄉,流年太陰化忌陽氣源源不絕灌注陰方,正是太陽照亮她的心,照通她的……」「她的輸卵管……哈哈哈!」土豪發話後與我相視而笑。

    我接著説話:「你今年何不陪同三嫂去太陽國度行一轉,先去韓國始於八卦,復去日本太陽帝國,最後臺灣青天白日……」土豪聽氣我分析教路後零舍醒神,並且深表感激。跟住吩咐下屬即時步署行程。(本篇完)    

 

吳鈞洋網址:www.ngkwunyeung.com.hk

吳鈞洋電子郵箱:raymondnghk@yahoo.com.hk

WB01343_.gif      回首頁     WB01345_.gif (616 bytes)