武曲太陰忌連氣，百病纏身兼做死
有個國家金融機構女高層搵我，原因係今年頗受機構「重用」狗屎垃圾一腳踢，做到真係似隻狗咁，年內仲因水問題惹上官司添！我開盤一望，流年命坐天機照天梁化權，三方四正會照機月同梁、祿科權忌。最攞命係武曲化忌守子女辰垣，六合太陰化忌酉垣福德，終年被女人、被水累，註定辛苦整年……年內若然有下屬非但幫不了手，仲有機會反咬自己一啖。至於因水惹官司，官司肯定會贏，唯獨一波未平一波又起，全都係同女人和水有關係，即係話婦科內分泌一定有事，關鍵依然係武曲忌衝太陰忌。下月多緊個文昌忌，直情唔得死！
………………………………………………………………………
天梁化祿天同忌，進財咪當好運氣
本月自己辰宮天同化忌入疾厄，被遷移宮之流年太陰忌衝起……大半月已經因為外地親戚是非糾纏而煩過梵蒂岡。過咗穀雨文昌化忌進氣，更不幸六合太陰忌。26日壬申，命宮咁好彩坐正辰宮天同忌，會照天梁化祿子宮，子宮又夾入流日疾厄天相……。須知天梁最怕化祿、除咗攞遺產之外簡直一無是處，假若嗰日冇事做兼破財猶是可，驟忌在生意多做到隻積。結果，天梁化祿入財帛而因財引鬼，夾入疾厄當晚病低。
……………………………………………………………………
呢個立夏火燒天，地底熱爆震禍延
乙未、辛巳，壬午，壬寅。日元壬水生巳月，地支寅午火局混巳午未南方，月時透出辛壬，奈何地支金水壓根。壬水激起衝天火一燒、乜都燒個一乾二凈。月令五行破壞多於建設，首當其衝自然又係行空之鐵，地底熱爆肯定離不開地動山搖。災難隨著煞氣走位，先驗東北、移步正南、再禍東南……總之整個亞洲冇戍走雞。災難所至，地方動亂，戰火蔓延……甚至無啦啦衝天大火死傷無算。
(本篇完)
