《新玄機》風水雜誌主頁   吳鈞洋師傅其他文章  吳鈞洋大師親算

                                                         圖、文•吳鈞洋  

武陰年月忌沖起,天梁化祿多手尾

 

    對於梁特首或梁姓政府高官我從來沒有反感過,相對我有不少良師益友都係姓梁。話雖如此,到底呢世人最令我遑遑然不可終日者卻非梁莫屬,有所謂「談梁變色」,只不過此梁只應天上有而非人間梁姓人,「天梁」是也。因為命宮一被天梁揩到,就算乜都「唔化」已經令人麻煩多多,設若化權、祿存……等等至少煩你一段不短日子先至得以化解。最驟忌碰上化祿,咁就煩過梵蒂岡矣!還記得2002壬午年嗎?嗰年天梁化祿,世界大局正經歷「9.11」」浩劫後政治經濟陷入了「禾雀亂局」,當時美國正窮兵黷武打阿富汗、依拉克……掀起日後金融海嘯之序幕,戰後掠奪所致油源雖然從此不短絀但係國家儲備卻打輪到荷包肝硬化,好彩印銀紙叻債務由全世界螢手分擔……。至於香港,當時財爺梁錦松因為姓梁所以當黑在加稅前偷步買車面導致第年下臺。冇耐沙士襲港、衛生署阿頭,跟住特首……等等隨著大陸領導換屆冚扮爛炒魷冇得撈。至於我自己,流年本命天梁入身宮子垣,化祿在遷移。話就話好彩嗰年去咗美國兩次有正午太陽照遠而消災不少、唔好彩卻係武曲化忌沖起廉貞忌出外病到五顏六色,返歸更加投機失誤而虧蝕到眼坦坦(事關年中過後來年癸祿在子入天梁,令前者既化祿又祿存而平添不少財務麻煩)。

    今年芒種月正值壬午月,流年太陰化忌被武曲忌頭尾沖起「巳、申」。太陰係陰暗細菌病毒類…化忌自然變種流行,武曲肺經,化忌傷肺及禍西方,結果沙士流行病肆虐南韓,希望不會神兆機動而蔓延入歐洲。另一方面,如果冇天梁化祿攪wo檔攤、雙忌頂龍應驗天災禍而斷不會辣到財經呢疊,既然有天梁麻煩友化祿介入玩野世界匯市勢必樹欲靜而風不息,強美元令到整個投資世界冇啖好食。希望小暑過後破軍化祿而武曲不忌,天梁年化權而月見祿存可以收回舊有損失,否則的話都幾惡攪。

    講到壬幹天梁化祿,香港現成有位梁特首恰似當年梁財爺一樣濕滯,之不過天梁化祿怕見財所以先前梁財爺丟官。家陣計起數上來,今勻月梁祿對於梁特首而言並不好過幾多,凈係建制派在普選投票日甩轆事件,你老梁就算唔使揹鑊斷估也要出盡吃奶之力去擺平。都好!泛民嗰邊也撈不到甚麽好處而四分五裂……總之大家唯有使過牌再玩過。

    個人本月又係為女人累,由於武陰忌加上天梁化祿,客路比起平時反常地廣,生意多到「做死自己恨死隔離」,聽清楚做死自己四個字,即係話得個做而冇乜著數。事關月內大多婆娘、也不少姑娘……佢哋都唔多順境而來求助,唉!總而言之女人唔妥我冇理由妥。所以平時做得幾辛苦都係開心,唔似得天梁化祿年月做到提心吊膽,戰戰兢兢!(本篇完)    

 

吳鈞洋網址:www.ngkwunyeung.com.hk

吳鈞洋電子郵箱:raymondnghk@yahoo.com.hk

WB01343_.gif      回首頁     WB01345_.gif (616 bytes)