《新玄機》風水雜誌主頁   吳鈞洋師傅其他文章  吳鈞洋大師親算

                                                         圖、文•吳鈞洋  

放下「屠刀」論世情,銀行高層顯母性

    銀行高層最近榮升大姑奶,既開心又心 up,開心係屋企添進人口,心 up係夾粗被提升了輩份而收緊了部分青春。 添進嘅係姪女,八字丁酉日柱酉月生用時支寅木,財官並旺用印劫。紫微斗數廉殺未垣會照殺破狼三方四正,太陰化忌父母∼

    五行既然日元係丁火,童年自然金看父系木看母。加上紫微斗數太陰化忌日當午,不利阿媽而旺阿爸徵象明確非常。於是點頭以示恭喜,誰知高層面露不悅之色……。於是乎我唯有向她解釋:「冇錯你係太陰,實質卻是大姑奶,老竇個大姊,如假包換男家人口,太陰嗰邊冇你份。若然老竇有為威水,你前途發圍當然減半,否則嘅話佢父係利益完全歸你所有……」

    講講下銀行高層將話題扯到生兒育女問題,佢請教我揀邊個生肖生仔生女為最佳?我(畢加索)答佢:「丙年生人必屬佳品。」問原因,我繼續:「丙干丙火透天自然炎上而通天光明,須知火上頭、水通腎……五行陽火配套入神經中樞,即係話有火上腦人才聰明智商高,保證生仔遠離宅男生女斷無13點。最難得紫微斗數丙干四化(同機昌廉)……」高層聽到喱戍似乎搲頭,於是我笑語解釋:「丙干四化天同化祿天機化權(而文昌化科),即係話終其一生衣食富足而好享受。為人機智饒有諗頭。更難得讀書考試獨佔魁首……」聽到呢度高層忽然搭口:「係就係,之不過最尾嗰化係廉貞化忌,噏得出嘅衰嘢都在此星……」我笑著回佢:「相輔相成啫,你話靚仔多女溝能不傷感情?女人好生養能不頻血光?仲有一世衣食佳焉許血質好……」語畢與高層相視而笑。(本篇完)    

 

吳鈞洋網址:www.ngkwunyeung.com.hk

吳鈞洋電子郵箱:raymondnghk@yahoo.com.hk

WB01343_.gif      回首頁     WB01345_.gif (616 bytes)