《新玄機》風水雜誌主頁  卓宏師傅其他文章

   

「觸機」?你夠膽嗎?                                               圖、文•卓宏

 

    二○一五年十一月一日(星期日)。

   
早上七時。上周約好朋友甲在今朝飲茶。甫一坐下。朋友甲即將「手機」給我看,並隨著說:「駱思嘉在網上雜誌《新玄機》「編者的話」講你:九九年有三篇文稿失散咗,今日先至搵番,足足有十六年……。」

    朋友甲嚥了一啖口水,又道:「夠奇啩?呢件事值得你去觸機噃……。」

   
我諗咗一陣,道:「今日中午跑馬地有十場賽事,不如就用呢個『機』去『觸』一下。」

    我呷一啖普洱荼:「三個哥哥(稿件)我就買第三場。失散咗十六年,我就買16的馬號。」

   
由於此日全部都是跑「十二匹」。咁即係要買:第三場1、6連贏或位置Q。

    (我怕輸,一向只買「位置Q」,容易中啲。)

           

    結果:(翌日看報章的派彩表)

� 二○一五年、十一月一日(跑馬地賽事)

    第三場賽果順序是2、1、6

    中位置Ql、6——派彩八百零三元五角。                


         

             來源:「香港賽馬會」網站:http://racing.hkjc.com/racing/Info/Meeting/Results/Chinese/Local/20151101/HV/3

 

    當晚八時左右,朋友甲又來電話。

    「又贏,你贏好多啦!?」

    我:「買十蚊玩吓咋。以前亞爸教我:博彩,博吓好彩就算,唔好沉迷呀……。小注怡情,大賭亂性……。」

  
 朋友甲:「你可以將事實寫下,俾啲『觸機』愛好者欣賞吓丫?」

    我:「我而家已經七十有多,人家信不信觸機都係咁啦……。。」

   
朋友甲:「我就係睇下駱思嘉呢位女強人夠唔夠膽刊登。你仲要影印「中彩彩票」,以資信實。影埋「派彩表」方便人查閱……。」

(本篇完寫於新曆二O一五年 十一月四日) 

 

  (編者按:卓老太過獎了,我非女強人,我其實很弱的呀!另,輔以「香港賽馬會」網站當日當場賽果、派彩版面的截圖,希望大家看清楚一點。)

  

WB01343_.gif (599 bytes)      回首頁     WB01345_.gif (616 bytes)