青龍造局戲一白虎
早兩日約咗老友經紀陳和佢南洋朋友春茗。閑話間南洋朋友對於七警和前特首判刑之很不以為然，對於當中「神兆機動」卻非常感興趣，由於佢平日也喜歡研究術數因而好想參透箇中玄機：「佔中、揚獨、暴動、賄賂……等等罪行可以零檢控或側側膊輕判，反之差佬打人卻執正嚟做各囚兩年……喱D係乜法律呀？又話正義之神盲�H所以響佢面前人人平等，但同樣犯法點解會有不同量刑�H？唔慌唔盲啦！我睇佢本來不盲而係你哋政府、律政司……等等夾硬綁塊布遮住佢雙眼要佢扮盲才真。聽講連長髮多鬚嗰位特首侯選人都話同情民主要爭取泛民支持……」。
聽完佢一輪咀之後經紀陳笑著問佢：「你亦行家嚟架，點睇？」佢聽後答道：「擺明特區政府被外國收買……照道理特首就任要宣誓效忠中央，中央任命時冇理由不查佢五代……咁即係話選擇性檢控形同抗衡中央同情佔中……。」我和經紀陳對望了一眼笑笑口回他道：「香港司法獨獨立不容政府干預！」話音剛落南洋朋友即刻豎起了拇指道：「刁！好一個司法獨立。同是危害社會治安，大規模阻街、破壞、襲警……等等罪行零檢控，而個別執法人員行為失當卻罪無可恕，持續用外資賄賂在任議員香港廉記視而不見詐睇唔到，反之退休特首失職罪卻判囚幾近兩籠……真唔信上頭咁忍讓冇厘表示！」經紀陳瞄咗佢一眼笑道：「咁激動做乜？！人家地方法政關你叉事咩……呵呵！」
南洋朋友聞後擺出不屑狀回道:「好彩一早移咗民冇眼睇……。」經紀陳望住佢緩緩說道：「你南洋嗰邊真�H咁安定繁榮咩？咪一樣終日紮馬嗌烚，睇怕仲亂……哈哈哈！」我接話：「話你知啦，家陣香港風水造局叫龍爭虎鬥，大嶼山白虎地先祭出個大佛鎮住然後至開發，嗰頭更加拓大九龍半島融入內陸而加強青龍氣勢……縱觀風水即係青龍恃勢挾天子而噬白虎。佈定個局對付班鬼子佬、造定個勢請君入甕等你班反港反華分子踩落去……被反利用為國家外交出盡綿力，哈哈哈！」
南洋朋友回道：「不明！」，我繼續：「你當然唔明！但你冇理由唔知美國晨早已步署好亞洲圍堵中國之計劃架？當年此計劃始作俑者正是美國希拉莉（結果亦令佢因此而敗選）。正當日本聯同菲律賓籍釣魚臺、南海問題攪事之際，香港也有咁啱得咁橋發生佔中運動。睇番紀錄，與此中國習近平主席風塵僕僕地四出歐亞進行外交活動，對於佔中動亂上頭幾乎視而不見……為乜？咪就係將國家利益南海主權放於首位定性（敵我矛盾），內定佔中性質屬於人民內部矛盾可以容後計較。既然矛盾可以暫且按下不作定性（亦即先不入罪將來至算），咁樣一嚟自然迎合外國傳媒口味認為香港確實實行著一國兩制，中國政府對港人爭取民主訴求明顯默認……只要報紙佬不亂寫嘢記者不亂講說話，外國政府自然好做事大大有利中外談判和枱下交易……。」
經紀陳聞後讚我分析透徹，相對佢老友卻搲著頭說道：「咁，班佔中友豈不成了『愛國一分子』？諗唔通！」未等我開口經紀陳已指著佢笑道：「班友功勞直情超過愛國愛港嗰班啦，嘻嘻嘻！就係有咗佢哋做『一國兩制』生招牌中國外交先至順利攪掂歐盟諸國支持……。」南洋朋友笑笑口搖搖頭說：「咁都要大陸上頭捨得駛錢先至得，你唔見當時嗰個卡梅倫個折墮樣，好似中咗六合彩多寶獎、成隻狗咁……哈哈哈！」我點頭認同：「連皇祖母都好似執到寶咁款……嗱！你話嘞，點可以拿拿淋告班友吖？未告得住架！」南洋朋友至此恍然大悟拍咗一下個蕎頭道：「我點解咁蠢諗唔到佔中加埋泛民一Set過已是送出之禮屬於人家之物……哈哈哈！」經紀陳也加把口說：「話雖如此，我始終覺得事情有D微妙，第個唔講淨講肥佬黎，爆出賄款列埋數目係佢但冇事喎……莫非係臥底？！」我笑著托咗一下眼鏡：「上頭策劃D嘢冇人估得到�H！我咪話過目前本地風水屬於龍爭虎鬥局，即係越亂越好架……」南洋朋友今勻挑通眼眉接話：「判七警入罪凸顯出本地法律不公平有偏頗……。」
經紀陳笑著接話：「藉此法律不公以激起民忿而為新特首選舉造勢……睇怕今勻林鄭幾難有人同佢爭。」我輕輕拍手讚道：「有見識！須知道判七警有罪等同殺身以成仁（時勢造英雄）將來前途無限……呵呵呵！反之逞一時之意氣而定佔中分子罪恐怕後果難以預料，總之唔妥！」南洋朋友道：「我諗新特首上頭要求強硬人物接掌而不容同情佔中傾心泛民者當選……。」我正色說道：「驚蟄八字：丁酉、癸卯、辛卯、丁酉，流月：年月干丁癸 沖、日時干丁辛沖、年月支卯酉沖、日時支卯酉沖……全盤沖齊，結果旺沖衰青龍噬白虎，又係衰西方。我早論在Facebook寫過『一七丁酉反吟六三癸卯，當年美總統遇弒，神兆機動一七六三得八零、80是年庚申白虎司權。適逢今歲白虎坐酉刃，值驚蟄癸卯月……美國日本恐復大劫！）你哋不妨參考一下。』接著下來天南地北風花雪無所不談，直到12點過外先至散band。(本篇完)
