煞佈燒五黃，刃頭虎難安
最近內心明顯不平靜……因為驚蟄月正當癸卯冲自己丁酉（日柱）金木相戰水火併冲，值大陸對南韓行政禁遊令前十日到南韓旅遊，結果去完之後自身平安卻留低哂D晦氣「益了」朴槿惠，睇佢倒臺到扮蟹不到十日間……至今思量之下自覺有些「於心不忍」!!!。誰知話口未完屎忽未坐定，清明月穀雨後又話去臺灣交流。呢個月太陽年忌併巨門月忌，斷估又將有不少「好嘢」留低嗰邊……你話唔係咩，去嗰陣太陽巨門化忌（忌在青天白日旗），回程不久立夏又輪到太陰化忌（忌在女人唔得死）。真不知嗰邊女總統衰乜和點衰法，陰功！記番起佢舊年（2016.5.20）就職當日八字就認真大吉利是：丙申，癸巳，壬寅，庚子。五行三刑逢沖火水未濟，八字中既偏安寶島一隅自然以丙臨申位之丙火作配套，咁一嚟丙臨申位逢陽水不獲延年之徵驗好難不驗於佢身上……。
再睇下立夏星數分佈，五黃入中宮而二黑飛西南。20/4穀雨中氣之後新煞初進氣，舊五黃仍然纏於東南復刺激起正南年五黃大煞……由於五黃煞氣結構由火土組成，故該煞最忌南三方（東南、南、西南）及中宮……交夏節之前幾重二五交加、九五燒燃，繼朴槿惠扮蟹之後恩仔玩嘢而中美擺姿態，睇上去好似戰雲密佈……根據煞星分佈仗未必打得成，唯獨立夏太陰化忌會唔會因我緣故燒到臺灣就不得而知矣，因為我夠黑！(本篇完)
