《新玄機》風水雜誌主頁   吳鈞洋師傅其他文章  吳鈞洋大師親算

                                               圖、文•吳鈞洋  

成功在用神、發達靠申金

 

    好友條命四個甲木透天干佢話係(天元一氣) 大貴格 ,我笑語回之群劫爭財局而矣!年月支半會火局、日時支亦子辰半會水局,擺明殺印相生格(用金生水養木) ,唯獨最大缺陷是五行缺金令日時水局成一潭死水。須知八字取用神平衡大局固然重要然則生用神者亦不可忽略,是以有所謂男命用神看子而生用神者為妻、此乃算八字之(金科玉律) 。

    或許有人要問;似上面條命五行缺金唔通有冇老婆?非也!只不過正妻緣薄情寡而契家婆卻多不勝數,何解?皆因日時支子辰暗會申金在外明顯外寵滅正妻是也。又咪話唔信邪,老友後生時生得相貌堂堂身家也甚為可觀,加上無日無女無晩無洞房所以申金也不招自來、錢銀女人路路皆通。特別回歸之前響大陸做生意,一個月冇幾多日在香港。
到咗回歸後人到中年雖更增添魅力奈何中看不中用,(那話兒)逐漸變得銀樣蠟槍頭,自此鶯飛燕竄而獨自消瘦。

    有所謂福無雙至禍不單行,酒色既謝絕命中日時半會之子辰死水一下子失去申金而不成水局(失去用神),如是者過往一應投機投資項目隨着九七金融風暴一應全泡湯,最後破埋產係咁衰足廿幾年。

    最近老友又嚟搵我,睇佢神充氣盛衣着光鮮……哈哈!原來咸魚翻了生,破產既期滿生意更有新發展。點解咁好彩?原來又係時辰作怪:子辰死水搵到源頭生生不息!原來老友個女嫁咗隻鬼仔仲添丁生埋鬼仔,咁一來呢個西方申金用神來得名正言順,比起廿多年前嗰班無名份之三三四四有力度得多預計發得也耐久。(本篇完)

 

吳鈞洋網址:www.ngkwunyeung.com.hk

吳鈞洋電子郵箱:raymondnghk@yahoo.com.hk

WB01343_.gif      回首頁     WB01345_.gif (616 bytes)