文•吳鈞洋 
人生禍福無常，自古有所謂福無雙至禍不單行，許多時候我哋察覺到命運安排好似有條路，好�H時候雖然樣樣順境但總覺得有瑕疵，而衰起上嚟接二連三發生�H濕滯晦氣嘢卻打擊到你精神崩潰！換句話講行好運時好少有行運行到腳趾尾咁棧，但行衰運時頭頭碰著黑唔特止，甚至禍延六親�H情形就普遍遭遇上。
此無他，人生本來就係爬格仔過日子，喻我哋係(網中人)一啲都冇錯，禍福休咎離唔開人生命盤十二宮關係網�H走位，無奈係行好運時益自己�H宮位有限，行衰運之際受牽連�H宮位包括六親就超過一半以上。
以下試舉個例子做印證，使讀者體會吓禍不單行�H深刻意義。
響2002年壬午有位女顧客專程由外國到來請教，呢位女士運程都算當黑，由2000年到2002年冇樣嘢順過，除咗破財損耗之外，家宅中連番有親人傷病去世(相繼阿媽、家婆同二哥先辭世，姨媽、大家姐患咗晚期癌症，老公肝硬化，細女患哮喘，二家姐車禍住咗半年醫院，…)，到最後自己因婦科病還要捱上一刀之苦。學佢話齋，破財開刀算得上小事，最淒涼係眼睇住啲親人逐一離去，嗰種切膚之痛真係入心入肺！
於是乎為呢位不幸女士開個命盤探討究竟，以研究「痛苦」根源。我為人排八字和算斗數有個特點，前者先著重水火強弱同寒暖關係，後者極其關注到太陽和太陰�H廟陷配置。
女士個八字五行屬丁火，生在隆冬十月，五行水旺而缺火幫身，再加上水旺逢刑復再行水運，水火嚴重失平衡而衰到貼地係意料中事，由於呢篇文章係論斗數而非評八字，故此暫且擱下不作詳細討論。
女士斗數原命命宮坐紫微化權在子垣，對沖貪狼在午垣，會照福德響寅宮，事業宮廉府守居辰宮羅網，財帛宮武相同宮於申垣，夫妻宮七殺獨守戌垣羅網，空劫火羊鈴照會三方四正，光禿禿一個紫微星孤君在野守命宮。呢組星系話太差又唔多似，至少為人醒目叻女肯捱肯博就好多人及唔上，雖然唔算得上大富但小康以上卻綽綽有餘。
只不過整個少年中年運紫微孤君無輔弼；被殺破狼沖照加六煞刺激起，運程所遭受種種橫生枝節變故，確實坎坷非常，事業財運好少少立刻有麻煩跟尾，有幾天安樂日子過即刻有親人出意外，到咗事業錢財無損無破、家宅人畜俱平安時，又輪到自己健康有事…總而言之未曾試過順頭順路，形容為韮菜命實不算太過！(韮菜�H特點係長啲即刻俾人割)
睇佢條命最唔好彩係做佢�H至親：父母宮丑垣無正曜；而借疾厄宮未垣天同巨門歲破破碎天虛同宮，會照落陷太陽天梁化權丑垣子女對沖卯垣田宅，空劫夾亥垣兄弟天機守；照巳宮太陰守交友，雖然昌曲輔弼龍池鳳閣祿馬會三方四正；不過應數于家宅人口聰穎有學識，然而陰陽失調加機同巨�H刑離孤剋定數，就足夠佢傷感憂心足一世，猶其呢個陰陽失調之機月同梁組合，正係戌垣羅網七殺守�H夫宮之疾厄宮配套，剋完父母長輩跟住剋手足隨後再剋夫之不幸結果，響青中年運過程中恐怕不能倖免。
46歲行入辰宮廉府運，由於天府化科會照殺破狼祿存加科權，六煞同度，紫貪守福德財帛，個人有激勵而事業財運唔差得去邊，但睇翻個六親宮位組合真係喊得一句句。首先父母宮太陰落陷兼化忌在巳垣；晦氣劫煞同宮沖照天機化祿在疾厄居亥垣，會照太陽化祿天梁化權在酉垣交友；擎羊白虎雙鈴災劫喪門病符息神同度照兄弟在卯，天同化忌巨門居田宅於未垣照子女在丑火星陀羅破碎魁鉞同度(魁鉞凶沖必有災劫)。夫宮破軍守寅垣，夫宮疾厄正好配套上父母兄弟子女田宅惡劣組合，而大運夫宮又剛好重逢叠上原命夫宮之七殺(七殺重逢災難定至)。
2000年庚辰，流年最濕滯，因為父母宮太陰居巳落陷化忌而天機化祿亥垣祿逢沖破，會照太陽雙祿在酉垣奪盡陰輝，田宅宮天同雙忌未垣照子女丑宮魁鉞凶沖，大運流年命宮廉府辰垣對沖遷移戌垣(原命夫宮)七殺重逢，運年夫星寅垣破軍守宮位，陰陽失調天同雙忌於丈夫疾厄。阿媽、家婆、二哥同年先後辭世，老公肝硬化、細女患哮喘住醫院。
2001年辛巳，命宮坐入大運父母巳垣太陰而化忌，對沖亥垣天機化祿文昌化忌，會照太陽祿權居酉，天同化忌巨門化祿在未垣沖丑垣，紫貪文昌化忌疾厄子午垣。太陰主財兼主女親人，疾病管婦科內分泌及骨牙，故流年不利女性及破財犯血光現象極明顯，首先在年初因投資損失唔見咗幾佰萬(算係破財擋災啦！)，跟住冇耐姨媽驗到患上末期子宮頸癌，話口未完又到大家姐患咗晚期乳腺癌，至於老公病程則時好時壞，而個細女亦枕住出入醫院…呢一年搞到佢手忙脚亂冇時得閑，學佢話齋成年托賴冇死到人已經阿彌吉諦矣！
2002年壬午，命宮坐貪狼居午垣對沖子垣紫微化權；天刑火羊同度，會照殺破狼；六煞於三方四正會齊，武曲權忌天相守福德照財帛於寅申，太陽天梁化祿與天同化忌相夾，任何沾手�H事業同錢銀勢必爭餐死。呢年佢�H兄弟宮太陰守落陷之垣照亥垣天機；病符亡神文昌祿存同度，會照父母宮天同化忌巨門在未垣，疾厄丑垣輔弼破碎天煞晦氣同度。由於父母兄弟宮唔靚，姨媽和大家姐仲做緊化療；電療還未知吉凶結果，點知年初新正頭，佢二家姐又因車禍入埋醫院，過咗清明節冇耐，再輪到自己下體流血不止入醫院檢查；好彩係子宮息肉，於是做手術割去。
小暑後呢位女士就嚟香港搵我，睇過命盤除咗作以上批斷之後，我警告佢小心唔好忽視2003年癸未，事關呢一年佢命宮坐正大運�H田宅宮亦係原命之疾厄宮在未垣天同化忌巨門化權沖照遷移宮丑垣大運�H子女宮係原命�H父母宮，再會照太陽化祿天梁響酉垣大運�H交友照財帛在卯垣係大運�H兄弟宮原命之田宅宮，太陰巳垣走位變咗夫宮，而流年兄弟宮走位到午垣，貪狼化忌天刑加病符息神，六煞會齊三方四正，夫宮既會照機月同梁陰陽失調而祿忌交侵，成組夫宮流年星系響變成兄弟宮之疾厄星配套。恐怕該年病開�H長輩同手足凶多吉少，講唔定會拜拜。至於老公健康就極之唔睇好矣！短期唔會有大鑊嘢，但2004年就唔敢擔保囉，事關流年太陽雙化忌，不利女性�H運程突然響流年變成剋男親。好人好姐都講唔埋，何況係剩翻半條人命�H重病患者？！
(全篇完)
