「時真命不假」，要利用出生年月日時來計算命運，基本上出生的年月日時皆要準確「先至有得玩」，但係最容易搞錯倒是出生的時間，無計喎！一般而言出生年月通常較難搞錯，出生日子嘛！慶祝生日要用，通常都準確。幾多點出世毋須用來慶祝，又或母親子女多分分鐘記錯搞錯，還有有些在夏令時間出世的，無時區的地方等，都容易時間錯配。對算命者而言，咁就頭痕勒！
對於時辰唔清唔楚，自然較難根據年月日時來算命、睇掌相啦！只要知道甚麼年份出世，計得到幾大歲數，咁就一樣可將命運前因後果道出。
不過，利用占卜來占算流年又或終身，亦是另一種選擇。兼且占卜在這方面嘛！就算閣下年月日時都唔清唔楚！只要有個名字就得勒！
有所謂「占卦算命」，筆者的經驗是當批算流年運程時，若占算多一課流年卦，對年中大事出現，更可作詳細參考，若出生時辰唔多妥的，作用更大。
取用神基本是占卦的指定動作，然占流年卦倒是不必取用，因一年流流長，圍繞周邊的事都可說有影響，所以都是用神，只不過每年重心點是甚麼，這方面可從世爻與動爻的關係探索。
手頭上有一枝流年卦，正是一位學生自占的，她正是時辰「斷估」一族，因此每一年的運程倒以流年卦為主。
此卦占於巳年丑月甲午日，卦名為地澤臨之地雷復。
玄子 -- -- 酉
白財 應 -- -- 亥
卦身 螣兄 -- -- 丑
卦身 勾兄 -- -- 丑
朱官 世 Ｏ 卯 寅 退神 官
青父 — 巳 空
當她在當上拿出此卦來研究，其中一位同學口快快的說「占咗咁耐先至拎出嚟，遲唔遲D呀！」「應該係內心鬥爭好耐，忍唔住才拎出嚟！睇吓有乜解救？」筆者聲線無奈地說。
此卦，朱雀官爻持世發動，朱雀是非，官爻老公，發動爭吵。表示今年同老公大吵大鬧，最煩是官爻發動化退神，對老公感情作出不利的變動，原因是最常見的因由：「包二奶」，因發動化寅官合應爻財，仲唔係包二奶？
「照計佢唔係鍾意應酬去滾�H人，點解會咁呢？」同學眼濕濕地說。「皆因不孝有三，無後為大。」筆者作出以上回應。此卦卯官發動沖上六爻酉金子孫爻，於是子孫爻暗動生應亥水才爻之故。
(本篇完)
