網上香港風水學家黃頁

《新玄機》雜誌主頁   伍立群師傅其他文章

                                                    文•伍立群   

 

 

有病方為貴

 

                       

    有時與朋友相聚閒談,見其語無倫次,亂發嗡風,都會話佢:你有病嗎?咁講都得?乜唔得呀!從命理角度都有話:有病方為貴啦。可能你又反問:有無搞錯?有病都可以話貴,你都係傻㗎!我真係冇呃你㗎,有一本命理書名《五步獨言歌》,開首便是:「有病方為貴,無傷不是奇」。喂,咁你就是斷章取義啦,又唔講埋下邊嗰兩句:「格中如去病,財祿喜相隨」。嘻!係係,又俾你抽到後腳添。


    為什麼「有病方為貴,無傷不是奇,格中如去病,財祿喜相隨」,此應該是從病藥論解釋。


    有病當然有問題啦,你也生病過吧,嗰種辛苦法,實在慘情!有病當然要看醫生吃藥,唔通叩兩個頭就可以好番咩。看過醫生,當然要吃藥,吃過藥,自然就會好起來。所以,就有下一句的「格中如去病」,意思是,你命造有病,有問題,但不用怕,只要命格中有藥,就可以藥到病除,結果是有驚無險,最後平安無事。


    這種所謂病,就是命中忌神。忌神有多種,忌財、忌印、忌食傷、忌比劫、忌官殺、忌過寒、忌過熱……多種,一時間真係寫唔完。咁好彩你命中有制此忌神者,咪就係藥囉,咁怕乜啫,老友記。(本篇完) 

 

 

 

伍立群網址:www.fengshui-master.com.hk/nglapkwan

 

WB01343_.gif      回首頁     WB01345_.gif (616 bytes)