文•伍立群
文•伍立群
有病方為貴（四）
(續上卷)嚡！正一俾你激壞，枉你學左咁耐命理，身強定身弱嘅嘢，就無謂多講啦！八字理論係有所謂平衡中和，而家講番「格中如去病，財祿喜相隨」呢兩句。即係話響命格入面有病又有藥，又或大運入面有去病嘅藥，呢的所謂的藥，當然唔係人人都啱食，而係針對每一個八字問題所開出之藥方也。
可能你係要用水嘅，咁樣水就係你要食的藥。你係要用火的，咁火咪係你的藥囉。其他嘅木呀，土呀，金呀，都係咁嘅理論啦。
嗱，呢句重要呀，財祿喜相隨呀！唓，係人都知錢最重要啦，無錢點過一世呀！唔好話我傻，書都有話，財乃養命之源嘛，有錢有命，無錢無命，錢銀雖然唔係萬能，但係無咗錢，就萬萬不能。哈，哈，你又蠢唔晒喎。正所謂，富在深山有遠親，窮在路邊無人問。咁簡單的道理，無謂講啦。
財祿咪即係財星要得祿囉，財星得祿通根有力先有用，如果無根就虛浮，所以，唔單止係要財星得祿，日元都要通根得祿，先至會強健，根深蒂固之謂也，好啦，講到呢度，講晒囉，係咁先，拜拜。(全文完)
伍立群網址：www.fengshui-master.com.hk/nglapkwan
