懋中長矛梟道首
我最近被踢咗入會，梗係唔係黑社會啦！入咗嘅社團好正氣添，佢叫：「抵抗惡勢力入侵玄學界」有人可能會問：「匿個究竟屬於邊一類社團？」，若然詳細解答呢個文題睇怕頗哂篇幅，咁我就借用新玄機【玄圈八一八】裏面有關文字作為解釋：「某個有宗教背景嘅團體成立咗一個玄術會，自籌備以來，一直備受爭議。好些曾被邀的師傅，在一兩次聚會後已「知難而退」。有些已繳費入會者，在該會去年重頭戲——風水展時已是一肚子氣。及至本年六、七月，事情更加白熱化。有任職者被辭退。有中堅份子倒戈。有師傅發文要討回公道。有師傅在Facebook被人圍攻。有在Facebook成立群組追蹤事情。有登報表示退出。有登報聲稱財務健全，可退回會費。有傳媒介入。有師傅報警。有師傅開記者招待會講述事情。有師傅發律師信。有師傅收發律師信。有退會師傅上門收不到會費……總之劇情不斷進展，令局外人眼花繚亂……」
上面所講嘅只不過道出嗰個「有宗教背景玄學會」和部分玄學師傅之間嘅是非和錢銀轇轕。但係真正催谷「抵抗惡勢力入侵玄學界」社團嘅成立之原因卻係堅決支持術數界獨立自主不受外來入侵、支配、壟斷……等等的正義使命，當然匿個亦係我加入社團之原因。據所知，「有宗教背景玄學會」最終目的係將佢哋魔掌伸入整個玄學界而加以控制、墮斷，日後將利用權力實行發牌制，迫使個別玄學從事者入會並交會費、否則屬於無牌經營。說話講得非常好聽，話此舉係為咗提升術界團結和積極性，杜絕玄學界利用術數詐騙行淫……宗旨在於組織導引該國粹行業納入正軌。唯獨據聞，「玄學會」當中有位姓鄧道長最積極、最霸道和最有影響力。還有一個…….. 都係費事咁多聲氣……「其實有利益處就會有人想出來做一哥，可能為名，可能為利，非獨玄學界如此。」
事情發展下來至少有三個幾月，眼見我們會的成員日益壯大而對方卻相對縮水並且眾叛親離……我出於關心，於是又利用慣常用開嘅觸機「《無厘頭》變字遊戲」、欲測下個末來嘅走勢和抗爭結果。
九月初一晨早流流，社團成員登出咗兩張棺木照片，咁啱得咁橋香港附近有兩個風已經形成，其中一個叫納沙的颱風可能對香港構成影響。咁嘅觸機足以觸動到神經深處，結果肯定準到出奇。
仲記得早幾年我用「華懋」二字嚟觸機、演練無厘頭變字遊戲嗎？
既然初一見雙棺、即雙木，同時咁啱附近又起兩個風影響。須知風為木、木為風，兩個木夾住個矛字……. 咦！點解我唔可以用番「華懋」二字嚟起卦啫？何況「抵抗惡勢力入侵玄學界」社團內嘅中流砥柱成員差不多清一色係茅山弟子（獨我係檻外之人），用佢最應景。
於是乎見到個「懋」字拆開咗變成了「矛」「木」「木」「心」四個字？因茅山在國內，海外弟子冇辦法攞番頂草帽（草花頭）歸宗……無奈只見到草花頭明顯變成兩碌木，相夾在矛字左右。
大家一定對「木」字加下面個「心」字似曾相識？不錯，正是個茅山開山始祖胡秀華仙師所創「真心教派」個心字。
而目前茅山祖家由於政治環境特殊，只要有銀両，封個玉皇大帝你做都冇問題。就係咁，一肥一瘦揸住兩枝桃木劍走嚟……左右夾住枝長矛想話奪權號令。想不到茅山弟子有骨氣，寧死不妥協而同佢哋周旋到底！
流年五黃飛正東嘅氣未走，白露二五已經煞曜南離，寒露未到氣先充斥北方……咁樣一嚟個世界明年水泛木漂嘅災情好大機會提早降臨，雙木必隨水蕩走，道長亦因覆舟而身首異處……。
屆時矛得道而冠，茅山弟子之稱號實至名歸。上茅下心而「真心教派」恆久永存。(本篇完)
