《新玄機》風水雜誌主頁  尊榮師傅其他文章

                                                                        圖、文 •尊榮                                                     

大埔昌運中心 (1)

 

                  

    大埔為新界的中心地區,南起大埔滘,北至八仙嶺,西瀕大刀屻,東跨吐露港。英國人管治時期亦以此作為新界的行政中心,設立理民府、警察總部及鄉議局。於1960年代,政府著手發展新市鎮,並把傳統農村集散地的墟市如大埔等歸入新市鎮發展計劃內。由於新市鎮和工業村相繼落成,吸引大量市區人口紛紛移入大埔區,因此人口急速增長,現時於新界已成為一個大區,想搵個食肆進餐或去商場逛逛真是不難,大埔廣場、新達廣場、昌運中心、大埔超級城……等,真是多不勝數。

    在下最近就有一位家住大埔昌運中心的老友想找位風水師睇睇家居風水,看看有無可以改善或加強的地方,而將人運推高或保持身體健康,遠離疾病。丁、財、貴、壽,我諗一般人都希望一生中可以發生呢啲好運响自己身上。正所謂一命、二運、三風水、四積陰德、五讀書……。命生得唔好,可以用好運搭救,運唔好可以用風水輔助。風水只係排第三,都不需在下多講,可想而知,風水不是萬能,而只是輔助性質。如果自身行緊衰運的話,風水只可以輔助宅主將衰運或波折減輕。如果宅主行緊平運的話,風水只可以輔助宅主稍微行好運。如果宅主行緊好運的話,風水可以輔助宅主將好運推高或加快來臨。

                  

    一直以來大部份人對風水都有點誤解,認為自身行緊衰運的話,只要搵個風水大師睇睇家居風水,放點風水物品催旺化煞,又或者換個新居,便能夠將衰運一下子轉化為行好運。如果真係咁容易的話,世界上就再無窮人出現咯!(待續)

 

尊榮網址: http://johnwing-fengshui.blogspot.hk

尊榮Facebook: 尊榮 ( John )

尊榮電子郵箱:johnwing.fengshui@gmail.com

WB01343_.gif      回首頁     WB01345_.gif (616 bytes)