《新玄機》風水雜誌主頁   吳鈞洋師傅其他文章  吳鈞洋大師親算

                                                         圖、文•吳鈞洋  

丙辛合申金助化水

    (一)

    娃娃女強人最近甩拖而傷心欲絕,經過多日箍煲失敗之後,耐不住單思之苦,於是喊苦喊忽咁鄹祐琚C睇佢梨花帶雨嬌俏樣子﹔情不自禁地望多一二眼先至睇命……哈哈!

    娃娃不過廿八,供職於外資證券行。辛未日柱生三月,全盤土厚埋鐵。獨喜時柱丁酉,丁火獨殺為權,酉刃駕殺為尊。今年丙申歲干丙火合辛金,年支申金助化水。於是對佢講:羊刃駕殺用酉金而獨殺為權火出干,丁火坐酉永不滅,酉刃強身如鋼鐵,今年官來合身肩黨劫。年尾結婚明年生仔……驚嫁唔出?烚戇!

    (二)

    寫寫下忽然勾起我一則記憶,差不多同時日子也有位靚女到來問前程。印象深刻係靚女亦是辛金命﹔辛巳日柱,天干透三甲地支會南方局而從殺,家陣三十過外入火鄉先結婚復旺夫事業而自己工作運也不差!只不過既從殺旺夫同時間也旺別的男人,是以告誡她小心婚外情之煩惱……誰不知佢目前處境正是如此,兼且煩完一單又一單。最大鑊係今年丙申歲干合辛而歲支助化水,金生水即子息惟剋火……告之年內婚外情會換畫,也有機會刑剋男家、夫家人口,自己則秋後有身孕……至於(授精)來源則要執生矣!(本篇完)

 

吳鈞洋網址:www.ngkwunyeung.com.hk

吳鈞洋電子郵箱:raymondnghk@yahoo.com.hk

WB01343_.gif      回首頁     WB01345_.gif (616 bytes)