測猴尾，火猴冇尾有玄機
1)《水火既濟驗海馬》
丙 戊 戊 丙
(霜降)
辰 寅 戌 申
23/10辰時(霜降)全局天干丙火戊土，中土得陽火生正氣且傳統居領袖盟主之位。唯獨地支年日、月時(寅申，辰戌)朋冲……故選通關用神在先須午火入地支會寅戌(火局)息爭解冲。
正是天佑香港福蔭中華，來個颱風叫「海馬」直扑香港而呼風喚雨……午為馬入地支既會寅午戌解冲息爭，火旺助天丙火而生戊土。海馬生水見大雨而年支申會時子辰呈水局收(水火既濟)之功，天和地潤凸顯華人團結大象，神兆機動大吉步入「霜降」以驗全年！
2)《乾坤交媾地天泰》
10月22號打完風第二日，登打士街廣東道路段地下冒煙，專家探測過若熱度若莫有七八十度，不排除打風損及地底通電電線……有朋友問我神兆機動寓義，於是我講出以下說話：「乾方盛慾燒天莖，尖東凸起發豪情，合和和合陰陽氣，地天成泰卦純清」。
咁啱21日八號波(坤)吹西北(乾)烈風。22日乾柴烈火燒莖谷尖東。23日霜降(陰氣盛極)而至陰至陽……(見圖)
3)《老友聚會霜降後》
嗰日幾個老友探完病坐低飲茶又發牙痕兼噴口水……老而不首先開腔：「今個月天機化忌照天梁神兆機動三梁生事：梁游無恥君彥無智振英無知……調喇嘛！外面連菲總統都可以攪掂內部卻被兩個小學鷄玩殘，認真好笑……」B君答道：「如果我曾經投票畀佢兩個，睇怕紮炮都用食飯錢買個500磅大錘氹春，投票目的希望你哋冲擊議會……邊有咁旺9，咁三星7自己砍頭埋牆架！」C君笑道：「咪咁大聲先，明眼一睇已知棋局，上頭不過攞兩隻嘢做籌碼罷了。」經紀陳附和：「係喎，唔記得10月尾大陸八屆六中全，11月8美國大選……好彩今次隻乸贏成條街，否則想太平幾難……」B君聽後嘆咗口氣繼續：「11月立冬月令文曲化忌會照流年文昌化科天機化權大像正係驗(枱下交易)完成，到時班友就要祭旗，得罪我好哋哋得罪上頭真係唔知點死……呵呵！」我乾笑一聲笑道：「國臺辦已將佢兩個定性港獨分子，中央既然將佢哋定型以後莫講在東南亞國家難正常出入，就連臺灣都不敢收留……」老而不打個哈哈接話道：「使乜以後啫，好似今趟過去開會會議時甩底，又話地址有誤會……實情人家有心賣甩你驚麻煩咋！」呢個時候偉哥剛傾完電話返嚟接話：「啱啱老友打來，話黃歧山正查緊中聯辦賣官D蘇州屎……聽聞家陣宣誓單嘢亦歸歧山哥指揮，好似有人將會被起訴……」老而不接續：「如果屬實咁就大碌，人家講過習大大係老毛化身，黃歧山鐵面無私……咁啱反右六十年，莫講班港獨唔掂，連同港人冚扮爛都要陪葬……最怕又重提廿三條。」我嚴肅說道：「好難講，八運講實際九運講紀律，家陣八運已過半，好似以前淨係7.1示下威唔會理你，講到金鷄獨立就勢係假。」(本篇完)
