《新玄機》風水雜誌主頁  區晉豪師傅其他文章

                                                                       文•區晉豪

學非所用又如何

    現在都市人，在年輕求學時，抱有一些興趣希望，未來在社會工作能達致理想及願望，雖然充滿理想，完成學業踏進社會工作，才發覺與以往期望又完全唔同，唔適應那份工作，或收入人工與心目中有距離，覺得其它工作有發展陞晉機會及薪金不錯，頓時想趁年青去進修其它行業，達成自己另一個希望。我總覺得人要識得去變通，好過堅持固執萌塞唔識變。但有些人工作兩三個月唔啱就轉工或轉行，變得快過坐火箭，無耐性及歸屬感。

    聽聞有些猛人讀土木工程科，畢業後覺得唔滿意，再轉去讀法律，現在擔當律師工作。在報章上得悉，有位專業男仕，放棄高薪苦悶工作，轉行揸巴士，揸巴士薪金較少，但他興趣行先，充滿動感，又冇乜壓力，搵些開心錢。

   我贊成除本身的工作，學些其它興趣的東西，聽聞有位斯斯文文女仕，做白領工作。但她另外有一技之長，懂得維修水喉、電燈及電腦。因識得維修，自己家居冇煩惱，有空餘時間還幫朋友維修，認真犀利呀。

    筆者年輕時候，沒有想過擔當玄學命理工作，自己學歷低，年輕時出來做玩具行業，因師傅的賞識。一句說話，你對玄學命理咁有興趣，你掂呀，不如轉行一定會有人信你呀。就膽粗粗去接受，不經不覺已工作三十多年了，值得開心有忠實客人還繼續信任及支持自己。

    各位家長們，應該俾些空間及時間予子女，多方面嘗試學習認識及改變，能從中找尋合適未來發展方針。(本篇完)

區晉豪電子郵箱：[email protected]

     回首頁