《新玄機》風水雜誌主頁   吳鈞洋師傅其他文章  吳鈞洋大師親算

                                               圖、文•吳鈞洋  

雙忌六合禍不單行

 

    中秋辛酉月,由於個人命理特殊、許多突發事情一下子突發地出現在該月,思索之下覺得有必要將其徵驗紀錄下來以資同好研究……。

    辛酉月個人八字全盤;運、歲、月分別:寅巳刑、酉酉刑、戌未刑……斗數月命宮坐巳垣武破,纏祿存、文昌而月内文昌化忌左右被空劫相夾,另一邊申垣天機太陰而天機流年化忌……須知斗數最驟忌化忌遇六合、即如呢戍文昌月化忌巳垣六合申垣年天機化忌咁,意味住福無雙至而禍不單行,更何况巳垣係流年疾厄宮、真怕有疾病意外發生。所以早幾個月已經忐忑不安驚定唔知有乜克應(之不過稍令我安心嘅係空劫夾忌乃視凶為吉、首先驗病有局限性至於破耗損失有先失後得徵兆)……。

    到咗9月8日交白露當日咁啱有風水勘察、主人家係老外,做功夫由頭到尾總算順利,唯獨收到支票竟然英文銀碼出錯、至於所犯錯誤是最簡單而冇可能犯的(首先應驗係文筆之誤)。過咗冇幾日,有位多年熟客好友因考專業試肥佬、心情惡劣之下遇上我命理(缺憾) , 大家在討論問題期期間對方竟然發起爛渣而我又抵唔住頸而反目决裂(唉!次則驗證文書之失) 。到咗月中突然遠方傳來壞消息話我有個素未謀面嘅姪女因病而去世(無奈又應文昌化忌奏哀樂之驗) 。早兩日即係9月22日鬼整佢蛀了兩隻牙,連剝連鑲花咗我幾千元(文昌化忌空劫夾徵驗正是整牙)

    也好彩月内生意不差,損失算是派鬼回佣。希望小災小劫到此為止、10月8日寒露前順頭順路咁就阿彌吉蒂矣!(本篇完)

 

吳鈞洋網址:www.ngkwunyeung.com.hk

吳鈞洋電子郵箱:raymondnghk@yahoo.com.hk

WB01343_.gif      回首頁     WB01345_.gif (616 bytes)