太陽化忌六合廉貞忌，必剋男親
靚女專程由外地到訪，嚟得咁急原因係婚姻出了問題……。
女命今年34歲、庚子日柱生申月戊子時，天干透雙丙惟地支無火氣更被強水冲得昏暗無光，17歲後逆行午巳火鄉應該值好運唯獨是否有姻緣則頓成疑問。
再參詳紫微斗數，武相守申垣就「武曲天相」本身而言必與財帛宮的「廉府」相會，兄弟宮之天同一定化祿而廉貞必然同時化忌(廉貞主感情、花費、見血……之星) ，「廉府」對宮之福德則七殺獨坐纏天壽加昌曲輔弼。如是者，個人屬於拜金主義者而一生不遺餘力醉心搵錢，然則人家貪財為享受，惟該組合勞心搵銀主要為求平衡心理。因而也捨得一擲千金用於嗜好或旅遊而毫不吝惜。
另一方面，遷移宮破軍化權則增加武曲剛烈性而破壞同宮天之相柔和，會上化忌的廉貞時不時容易發生刑剋和利益爭奪，同時自己也不時犯上血光……。
於是笑語靚女道：「你命屬富婆，事關你一生不遺餘力搵銀掠水。搵錢對象老人家居多；除咗長輩遺產之外，終身財產也多來自社會上(父系) 長輩……再睇你剋夫星林立夫妻宮，除咗過客之外、若有婚姻丈夫必被刑剋。由於命不容夫，所以斷你至今尚無真姻緣！」靚女聽後微微頷首眼紅紅答道：「我廿歲時被個年長廿多歲土豪包咗，為佢生咗兩個仔，但亦循規蹈矩……只係最近發覺佢有新女友，不知如何是好。」我稍看一眼命盤點頭嘆道：「你目前八字行巳運而月提三刑逢冲，再睇斗數中運武相守申垣而父母宮太陽化忌天梁酉垣六合辰宮廉貞化忌天府……事關你目前同居男人命當老竇睇，故相信37歲前分得成手係好事，否則對方肯定大鑊！仲有你37歲入壬辰運，黐親嘅男人好難平安冇事……」(本篇完)
